Honda Unicorn : टीव्हीएस अपाचे 160 आणि बजाज पल्सर 160 सारख्या बाईक्सशी स्पर्धा करणाऱ्या होंडा युनिकॉर्न मोटरसायकलसाठी ऑक्टोबर 2025 हा महिना विक्रीच्या दृष्टीने खूप चांगला ठरला होता. होंडाने या बाईकच्या एकूण 32,825 युनिट्सची विक्री केली होती.
विश्वासार्य कार्यक्षमता, आरामदायी रायडिंग आणि कमी देखभालीचा खर्च यामुळे ही बाईक आजही मध्यमवर्गीय कुटुंबांच्या पसंतीस उतरत आहे.
Honda Unicorn : प्रमुख वैशिष्ट्ये
होंडा युनिकॉर्नमध्ये विश्वासार्हता आणि आधुनिक तंत्रज्ञानाचा समन्वय साधणारी अनेक वैशिष्ट्ये आहेत:
- इंजिन आणि पॉवर: यात 162.71cc चे एअर-कूल्ड, सिंगल-सिलेंडर बीएस6 फेज 2 इंजिन दिले आहे. हे इंजिन 13.18 PS पॉवर आणि 14.58 Nm टॉर्क निर्माण करते. 5-स्पीड गियरबॉक्समुळे ही बाईक शहर तसेच हायवे दोन्हीसाठी उत्तम कार्यक्षमता देते. 2025 मॉडेलमधील ईसीयू (ECU) अपडेटमुळे थ्रॉटल रिस्पॉन्स सुधारला आहे.
- मायलेज आणि रेंज: होंडा युनिकॉर्नचे एआरएआय प्रमाणित मायलेज 50-60 kmpl आहे. वास्तविक वापरामध्ये, शहरात 45-50 kmpl आणि हायवेवर 55-60 kmpl मायलेज सहज मिळते. 13 लीटर क्षमतेच्या इंधन टाकीसह, ही बाईक 700+ km ची रेंज देते, जी रोजच्या प्रवासासाठी अतिशय उपयुक्त आहे.
- फीचर्स आणि सुरक्षितता: यात सिंगल-चॅनल एबीएस सिस्टीम, फुल डिजिटल इन्स्ट्रुमेंट कन्सोल, एलईडी हेडलाईट आणि टेललाईट, आणि आरामदायी सीटिंग पोझिशन मिळते. ब्लूटूथ कनेक्टिव्हिटी (HondAconnect ॲप) मुळे नेव्हिगेशन आणि कॉल अलर्ट्ससारखे आधुनिक फीचर्सही यात समाविष्ट आहेत. 139 kg वजनामुळे बाईक हाताळायला सोपी ठरते.
Honda Unicorn : किंमत
भारतात होंडा युनिकॉर्नची एक्स-शोरूम किंमत ₹1.11 लाख आहे. विविध शहरांनुसार आरटीओ आणि विम्याची रक्कम जोडून ऑन-रोड किंमत अंदाजे ₹1.33 लाख पर्यंत जाऊ शकते.
हे देखील वाचा – Ind vs SA : विराट की सचिन? एकदिवसीय क्रिकेटमध्ये सर्वोत्तम कोण? सुनील गावस्कर म्हणाले…
