WhatsApp वर गुपितं राहतील सुरक्षित! कोणालाही दिसणार नाहीत तुमचे खास चॅट्स; फॉलो करा ‘या’ सोप्या स्टेप्स

WhatsApp Chat Lock Guide : व्हॉट्सॲप हे जगभरातील सर्वाधिक वापरले जाणारे मेसेजिंग ॲप आहे. अनेकदा आपण आपला फोन मित्र किंवा कुटुंबातील सदस्यांना देतो, अशा वेळी आपली काही वैयक्तिक संभाषणे इतरांनी वाचू नयेत असे आपल्याला वाटते.

युजर्सची हीच प्रायव्हसी लक्षात घेऊन व्हॉट्सॲपने ‘चॅट लॉक’ नावाचे भन्नाट फीचर आणले आहे. या फीचरमुळे तुमची खास चॅट्स मुख्य चॅट लिस्टमध्ये न दिसता एका वेगळ्या ‘लॉक्ड चॅट्स’ फोल्डरमध्ये सुरक्षित राहतात.

व्हॉट्सॲप चॅट लॉक म्हणजे काय?

हे फीचर तुमचे वैयक्तिक मेसेजेस पासवर्ड, फिंगरप्रिंट किंवा फेस आयडीने लॉक करण्याची सुविधा देते. एकदा चॅट लॉक झाले की, त्याचे नोटिफिकेशन देखील होम स्क्रीनवर दिसत नाही, ज्यामुळे तुमच्या व्यतिरिक्त इतर कोणालाही त्या चॅटबद्दल माहिती मिळत नाही.

अँड्रॉइडवर चॅट लॉक कसे करायचे?

तुमच्याकडे अँड्रॉइड फोन असेल तर चॅट लॉक करण्यासाठी खालील पायऱ्या फॉलो करा:

1. व्हॉट्सॲप उघडा आणि तुम्हाला जे चॅट लॉक करायचे आहे त्यावर क्लिक करा.
2. वरच्या बाजूला असलेल्या त्या व्यक्तीच्या किंवा ग्रुपच्या नावावर टॅप करा.
3. खाली स्क्रोल करा आणि ‘चॅट लॉक’ हा पर्याय निवडा.
4. ‘Lock this chat with fingerprint or PIN’ हा पर्याय चालू (Enable) करा.
5. तुमचा फिंगरप्रिंट किंवा पिन वापरून पडताळणी पूर्ण करा.

आयफोन (iOS) युजर्ससाठी चॅट लॉकची पद्धत

जर तुम्ही आयफोन वापरत असाल, तर प्रक्रिया खालीलप्रमाणे आहे:

1. व्हॉट्सॲपमधील संबंधित चॅटवर जाऊन नावावर टॅप करा.
2. खाली गेल्यावर ‘चॅट लॉक’ पर्यायावर क्लिक करा.
3. फेस आयडी किंवा पासकोड इनेबल करून ऑथेंटिकेशन पूर्ण करा.
4. आता तुमचे चॅट एका स्वतंत्र फोल्डरमध्ये सुरक्षित होईल.

लॉक केलेले चॅट पुन्हा कसे उघडायचे?

लॉक केलेले मेसेजेस पाहण्यासाठी तुम्हाला मुख्य चॅट लिस्टमध्ये सर्वात वरून खाली स्क्रोल करावे लागेल. तिथे तुम्हाला ‘Locked Chats’ नावाचे फोल्डर दिसेल. त्यावर क्लिक करून फिंगरप्रिंट किंवा फेस आयडी दिल्यावरच तुम्हाला ते चॅट्स वाचता येतील.

जर तुम्हाला चॅट लॉक काढून टाकायचे असेल, तर चॅट लॉक सेटिंगमध्ये जाऊन तो पर्याय बंद (Disable) करा, त्यानंतर ते चॅट पुन्हा मुख्य लिस्टमध्ये दिसायला लागेल.

तुमची माहिती आणि खासगी मेसेजेस सुरक्षित ठेवण्यासाठी हे व्हॉट्सॲपचे सर्वात उत्तम फीचर मानले जाते.

हे देखील वाचा – Varsha Gaikwad: ‘ठाकरे बंधूंनी आम्हाला विचारात घेतले नाही’; मुंबईत काँग्रेसचा स्वबळाचा नारा, वर्षा गायकवाड यांनी स्पष्ट केली भूमिका