India Post GDS Recruitment 2026: सरकारी नोकरीच्या शोधात असलेल्या आणि केवळ दहावी उत्तीर्ण असलेल्या तरुणांसाठी भारतीय टपाल विभागाने सुवर्णसंधी आणली आहे. ग्रामीण डाक सेवक (GDS) भरती मोहिमेअंतर्गत २०२६ वर्षासाठी मोठी जाहिरात प्रसिद्ध करण्यात आली आहे. विशेष म्हणजे या नोकरीसाठी उमेदवारांना कोणतीही लेखी परीक्षा किंवा मुलाखत देण्याची गरज नाही.
२८ हजारांहून अधिक पदांसाठी भरती
इंडिया पोस्टने प्रसिद्ध केलेल्या माहितीनुसार, देशभरातील २३ पोस्टल सर्कलमध्ये एकूण 28,740 रिक्त पदे भरली जाणार आहेत. यामध्ये प्रामुख्याने खालील पदांचा समावेश आहे:
- ग्रामीण डाक सेवक (GDS)
- शाखा पोस्टमास्टर (BPM)
- सहाय्यक शाखा पोस्टमास्टर (ABPM)
निवड प्रक्रिया आणि पात्रता
या भरतीचे सर्वात मोठे आकर्षण म्हणजे याची ‘थेट निवड’ पद्धत. उमेदवारांची निवड पूर्णपणे त्यांच्या दहावीच्या (10th Standard) गुणांच्या गुणवत्तेवर (Merit) केली जाईल.
- शैक्षणिक पात्रता: मान्यताप्राप्त बोर्डातून किमान दहावी उत्तीर्ण असणे आवश्यक.
- वयोमर्यादा: उमेदवाराचे वय किमान 18 वर्षे आणि कमाल 40 वर्षे असावे. सरकारी नियमांनुसार, राखीव प्रवर्गातील उमेदवारांना वयोमर्यादेत सवलत दिली जाईल.
वेतन श्रेणी (Salary Details)
पदानुसार वेतन निश्चित करण्यात आले असून ते खालीलप्रमाणे असेल:
- GDS/ABPM: 10,000 ते 24,470 रुपये प्रति महिना.
- BPM: 12,000 ते 29,380 रुपये प्रति महिना.
अर्ज कसा आणि कधी करावा?
या भरतीची अधिकृत अधिसूचना ३१ जानेवारी 2026 रोजी प्रसिद्ध होणार असून त्याच दिवसापासून ऑनलाइन अर्ज स्वीकारले जातील.
- उमेदवारांनी प्रथम indiapostgdsonline.gov.in या अधिकृत पोर्टलला भेट द्यावी.
- होम पेजवर ‘GDS Recruitment 2026’ लिंकवर क्लिक करून नोंदणी करावी.
- आवश्यक कागदपत्रे अपलोड करून अर्ज शुल्क भरावे.
- अर्ज सबमिट केल्यानंतर त्याची प्रिंट काढून ठेवावी.
ज्या तरुणांना कमी वयात आणि कमी शैक्षणिक पात्रतेवर सरकारी सेवेत रुजू व्हायचे आहे, त्यांच्यासाठी ही एक उत्तम संधी आहे.
