JEE Mains 2026 : राष्ट्रीय परीक्षा एजन्सीने (NTA) संयुक्त प्रवेश परीक्षा (मुख्य) – २०२६ (JEE Main – 2026) सूचना जारी करण्यात आली आहे. या सूचनेद्वारे, संभाव्य उमेदवारांना परीक्षेचे वेळापत्रक आणि अर्ज प्रक्रियेबद्दल माहिती दिली आहे. जेईई मुख्य परीक्षा ही २०२६ या वर्षी जानेवारी आणि एप्रिल अशा दोन सत्रांमध्ये संगणक आधारित चाचणी (CBT) पद्धतीने घेतली जाणार आहे.
जेईई मुख्य २०२६ परीक्षेचे आयोजन दोन सत्रांमध्ये केले जाणार आहे. सत्र १ ची परीक्षा हि जानेवारी २०२६ मध्ये होणार आहे. यासाठी ऑनलाइन अर्ज भरण्याची प्रक्रिया ऑक्टोबर २०२५ पासून सुरू होण्याची अपेक्षा वर्तवली जात आहे. सत्र १ साठी परीक्षेच्या तारखा २१ जानेवारी ते ३० जानेवारी २०२६ यांच्या दरम्यान निश्चित करण्यात आल्या आहेत. यानंतर सत्र २ ची परीक्षा एप्रिल २०२६ मध्ये आयोजित केली जाणार आहे. सत्र २ साठी ऑनलाइन अर्ज भरण्याची सुविधा जानेवारी २०२६ च्या शेवटच्या आठवड्यापासून उपलब्ध होईल आणि परीक्षेच्या तारखा ०१ एप्रिल ते १० एप्रिल २०२६ दरम्यानच असतील.
ऑनलाइन अर्ज प्रक्रियेला सुलभ करण्यासाठी एनटीए आधार प्रमाणीकरण (Aadhaar Authentication) लागू करण्यात येत आहे. या प्रमाणीकरणामुळे उमेदवारांना त्यांचे नाव, जन्मतारीख, लिंग, छायाचित्र आणि पत्ता थेट UIDAI कडून प्राप्त करता येणार आहे. तथापि, आधारमध्ये नोंद नसलेले आई/वडील/पालकांचे नाव यासारखे तपशील ऑनलाइन अर्ज फॉर्ममध्ये स्वतंत्रपणे भरावे लागतील. या उपायामुळे अर्जदारांसाठी प्रक्रियात्मक अडचणी कमी होण्यास मदत होईल.
जर कोणत्याही उमेदवाराच्या आधार कार्ड आणि दहावीच्या शैक्षणिक प्रमाणपत्रात/मार्कशीटमध्ये नाव जुळत नसेल तर विद्यार्थ्यांनी घाबरू जायची काही गरज नाही कारण; ऑनलाइन अर्ज करताना ही समस्या कशी सोडवायची यावरही एनटीएने माहिती दिली आहे. विद्यार्थी जेईई मुख्य परीक्षेचा अर्ज भरताना ६ नोव्हेंबर २०२४ रोजी एनटीएने काढलेल्या सार्वजनिक सूचनेचा संदर्भ घेऊ शकतात. ही सूचना https://jeemain.nta.nic.in या वेबसाईटवर “Advisory and Instructions on Aadhaar Card Name Mismatch while filling up application form for JEE (Main) 2025” या नावाने मिळेल. यातील सूचना जेईई (मुख्य) – २०२६ साठी सुद्धा लागू असतील.
अधिकृत वेबसाईट- https://jeemain.nta.nic.in/
जेईई परीक्षांबद्दल महत्त्वाच्या सूचना पीडीएफ – https://cdnbbsr.s3waas.gov.in/
महत्त्वाच्या सूचनांचा पीडीएफ – https://cdnbbsr.s3waas.gov.in/s3f
यंदापासून परीक्षा शहरांची संख्या वाढवण्याचे प्रयत्न केले जातील, ज्यामुळे देशभरातील अभियांत्रिकी इच्छुक उमेदवारांसाठी सुलभता आणि सोयी अधिक वाढतील.
हे देखील वाचा – शेअर बाजार तज्ज्ञांचे डीपफेक व्हिडिओ वापरून मोठी फसवणूक; मुंबई सायबर पोलिसांकडून 4 आरोपींना अटक
