Kawasaki Versys X-300 | Kawasaki India ने आपली लोकप्रिय एडव्हेंचर टूरर बाईक Versys X-300 भारतीय बाजारात पुन्हा लॉन्च केली आहे. या बाईकची एक्स-शोरूम दिल्लीतील किंमत 3.80 लाख रुपये आहे.
ही बाईक कँडी लाईम ग्रीन टाइप ३/मेटॅलिक फ्लॅट स्पार्क ब्लॅक आणि मेटॅलिक ओशन ब्लू/पर्ल रोबोटिक व्हाईट या दोन आकर्षक रंगांमध्ये उपलब्ध आहे. भारतीय बाजारात या बाईकची स्पर्धा RE Himalayan 450, KTM 390 Adventure आणि Yezdi Adventure यांच्याशी असेल.
2025 Kawasaki Versys X-300 मध्ये 296 cc चे पॅरलल-ट्विन इंजिन देण्यात आले आहे, जे 11,500 rpm वर 40 PS ची कमाल पॉवर आणि 10,000 rpm वर 26.0 Nm चा टॉर्क जनरेट करते. हलकी एडव्हेंचर मोटरसायकल असल्याने, हे इंजिन लांबचा प्रवास आणि ऑफ-रोडसाठी उत्तम प्रतिसाद देते.
कंपनीचा दावा आहे की ही बाईक 4.1 लीटर प्रति 100 किलोमीटर मायलेज देते आणि तिची CO2 उत्सर्जन पातळी 103 ग्रॅम प्रति किलोमीटर आहे. Kawasaki ने हे इंजिन 6-स्पीड रिटर्न-टाइप गिअरबॉक्सशी जोडले आहे.
या मोटरसायकलमध्ये उच्च-तन्यता असलेल्या स्टील बॅकबोन फ्रेमचा वापर करण्यात आला आहे आणि सर्व लिक्विड्स (fluids) आणि 17 लीटर क्षमतेच्या इंधन टाकीसह तिचे वजन 179 किलोग्राम आहे. बाईकची सीटची उंची 815 mm आहे, ज्यामुळे ती अनेक रायडर्ससाठी सोयीस्कर ठरते. सस्पेंशनसाठी समोर 130 mm ट्रॅव्हलसह 41 mm टेलिस्कोपिक फॉर्क आणि मागील बाजूस Kawasaki च्या बॉटम-लिंक Uni-Trak सिस्टीमसोबतगॅस-चार्ज्ड शॉक ॲब्जॉर्बर (gas-charged shock absorber) देण्यात आले आहेत. मागील सस्पेंशनचा ट्रॅव्हल 148 mm आहे आणि त्यात प्रीलोड ॲडजस्टमेंटची सुविधा देखील आहे.
बाईकचा व्हीलबेस1,450 mm आणि ट्रेल 108 mm आहे. 180 mm चे ग्राउंड क्लीअरन्स तिला मध्यम स्वरूपाच्या ऑफ-रोडिंगसाठी मदत करते. ब्रेकिंगसाठी समोर ड्युअल-पिस्टन कॅलिपरसह पेटल डिस्क आणि मागील बाजूस ड्युअल-पिस्टन सेटअपसह 220 mm ची पेटल डिस्क देण्यात आली आहे.
2025 Kawasaki Versys X-300 मध्ये 19-इंचचा पुढचा टायर आणि 17-इंचचा मागील टायर (130/80-17) आहे. बाईकची एकूण लांबी 2,170 mm, रुंदी 860 mm आणि उंची 1,390 mm आहे. कमी वेगात चालवताना सोयीस्कर होण्यासाठी स्टिअरिंग अँगल दोन्ही बाजूंना 40 अंश आहे. एकूणच, ही मोटरसायकल Kawasaki च्या एडव्हेंचर टूरिंग सेगमेंटमधील सर्वात स्वस्त एंट्री-लेव्हल बाईक आहे.
