Maruti Suzuki S-Presso Price Cut: मारुती सुझुकीने (Maruti Suzuki) आपल्या अनेक मॉडेलच्या किमती कमी करण्याची घोषणा केली आहे. सरकारने केलेल्या जीएसटी दरातील कपातीचा फायदा कंपनी ग्राहकांना देत आहे. यामुळे ऑल्टो K10, एस-प्रेसो आणि वॅगनआर यांसारख्या छोट्या कार्सची विक्री वाढण्याची अपेक्षा आहे.
नवीन जीएसटी दर कपात, सणासुदीच्या ऑफर्स आणि सवलतींमुळे मारुती सुझुकीच्या छोट्या कार्सच्या विक्रीत मोठी वाढ होण्याची शक्यता आहे.
कंपनीने मारुती सुकी एस-प्रेसो (Maruti Suzuki S-Presso) या देशातील सर्वाधिक लोकप्रिय हॅचबॅकपैकी एक असलेल्या कारच्या किंमतीत देखील मोठी कपात केली आहे. जीएसटी दरातील कपातीमुळे कारची किंमत 71,000 रुपये ते 1.30 लाख रुपयांपर्यंत कमी झाली आहे.
Maruti Suzuki S-Presso Price Cut: नवीन दर
| व्हॅरियंट | GST कपातीपूर्वीचे दर (₹) | GST कपातीनंतरचे दर (₹) | कपात (₹) |
| Std (O) | 4.27 लाख | 3.50 लाख | 77,000 |
| LXi (O) | 5 लाख | 3.80 लाख | 1.2 लाख |
| VXi (O) | 5.21 लाख | 4.30 लाख | 91,000 |
| LXi (O) CNG | 5.92 लाख | 4.62 लाख | 1.3 लाख |
| VXi (O) AMT | 5.72 लाख | 4.75 लाख | 97,000 |
| VXi Plus (O) | 5.51 लाख | 4.80 लाख | 71,000 |
| VXi (O) CNG | 6.12 लाख | 5.12 लाख | 1 लाख |
| VXi Plus (O) AMT | 6.01 लाख | 5.25 लाख | 76,000 |
व्हॅरियंटनुसार कपात:
- मॅन्युअल ट्रान्समिशन व्हॅरियंटच्या किमतीत 71,000 रुपये ते 1.30 लाख रुपयांपर्यंत कपात झाली आहे.
- एएमटी व्हॅरियंटच्या किमतीत 76,000 रुपये ते 97,000 रुपयांपर्यंत कपात झाली आहे.
- या कपातीमुळे मारुती सुझुकी एस-प्रेसोची सुरुवातीची एक्स-शोरूम किंमत 4.27 लाख रुपयांवरून थेट 3.50 लाख रुपये झाली आहे. तर टॉप-एंड व्हॅरियंटची किंमत 6.12 लाख रुपयांवरून 5.25 लाख रुपये झाली आहे.
S-Presso लोकप्रिय का आहे?
क्रॉसओव्हर्स आणि एसयूव्हीच्या वाढत्या मागणीमुळे हॅचबॅकचा बाजारातील हिस्सा कमी होत असतानाही मारुती सुझुकी एस-प्रेसो भारतात खूप लोकप्रिय आहे. याची कारणे खालीलप्रमाणे आहेत:
- मायक्रो-एसयूव्ही डिझाइन: या कारला मायक्रो-एसयूव्ही सारखा आकर्षक लूक मिळाला आहे.
- प्रॅक्टिकल आणि कॉम्पॅक्ट आकार: शहरात नियमित प्रवासासाठी हा आकार अतिशय सोयीचा आहे.
- उत्कृष्ट इंधन कार्यक्षमता: कारची मायलेज चांगली आहे.
- वॅल्यू-फॉर-मनी: कमी खर्चात एक चांगली छोटी कार मिळणे, हे त्याचे महत्त्वाचे वैशिष्ट्य आहे.
खाजगी खरेदीदारांसोबतच, एस-प्रेसो फ्लीट ऑपरेटर्स आणि टॅक्सी मालकांमध्येही खूप लोकप्रिय आहे.
हे देखील वाचा – SSC HSC Time Table: दहावी, बारावीची परीक्षा कधी होणार? बोर्डाकडून तारखा जाहीर
