New AC Buying Guide: यंदा उन्हाळ्याची चाहूल लवकरच लागणार असून अनेक शहरांमध्ये तापमानाचा पारा 40 अंशांच्या पार जाण्याचे संकेत मिळत आहेत. अशा कडक उन्हात घराला थंड ठेवण्यासाठी एअर कंडिशनर (AC) खरेदी करण्याचा विचार करत असाल, तर काही तांत्रिक गोष्टी समजून घेणे गरजेचे आहे.
चुकीचा एसी निवडल्यास उन्हाळ्यात गारवा तर मिळेल, पण महिन्याच्या शेवटी येणारे अव्वाच्या सव्वा वीज बिल तुमच्या खिशाला कात्री लावू शकते.
नवीन एसी निवडताना या 5 गोष्टींचा विचार करा:
१. खोलीचा आकार आणि एसीची क्षमता: तुमच्या खोलीचा आकार किती आहे, यावर एसीचे ‘टन’ ठरवावे लागते. साधारणपणे 120 स्क्वेअर फूटपर्यंतच्या खोलीसाठी 1 टनचा एसी पुरेसा असतो. त्यापेक्षा मोठी खोली असल्यास 1.5 टन किंवा 2 टनचा पर्याय निवडावा. योग्य क्षमतेचा एसी निवडल्यास खोली लवकर थंड होते आणि कॉम्प्रेसरवर ताण येत नाही.
२. स्टार रेटिंग आणि वीज बचत: एसीच्या घरावर असणारे स्टार्स हे तो किती वीज वापरतो हे दर्शवतात. जितके जास्त स्टार (उदा. 5 स्टार), तितकी वीज बचत जास्त होते. जरी 5 स्टार एसीची किंमत सुरुवातीला जास्त वाटली, तरी भविष्यात होणारी वीज बिल बचत तुमचे पैसे वसूल करून देते.
३. स्प्लिट की विंडो एसी? जागेच्या उपलब्धतेनुसार तुम्ही स्प्लिट किंवा विंडो एसी निवडू शकता. विंडो एसी खिडकीत बसवता येतो आणि त्याची किंमतही थोडी कमी असते. याउलट स्प्लिट एसी कोणत्याही भिंतीवर लावता येतो. स्प्लिट एसीमध्ये मोठ्या आकाराचे ब्लोअर्स असल्याने ते कमी वेळात खोली थंड करतात आणि आवाजही कमी करतात.
४. बजेट आणि टिकाऊपणा: एका चांगल्या दर्जाच्या एसीची किंमत 26,000 रुपयांपासून सुरू होते. एसी घेताना केवळ किंमत पाहू नका, तर त्याची बिल्ड क्वालिटी, कॉपर कॉइल्स आणि ब्रँडचा नावलौकिक तपासा. चांगल्या क्वालिटीचा एसी देखभालीचा खर्च कमी करतो.
५. सर्व्हिस आणि स्मार्ट फिचर्स: एसीला वर्षातून किमान दोनदा सर्व्हिसिंगची गरज असते, त्यामुळे तुमच्या भागात कोणत्या ब्रँडचे सर्व्हिस सेंटर जवळ आहे, हे नक्की तपासा. तसेच सध्या रिमोट कंट्रोलसोबतच वाय-फाय कनेक्टिव्हिटी, स्लीप मोड आणि टर्बो कूलिंग यांसारखे फिचर्सही लोकप्रिय ठरत आहेत.
हे देखील वाचा – USA Iran War: तेहरानवर अमेरिकेचा भीषण हल्ला! इराणचे बडे लष्करी अधिकारी मारल्याचा डोनाल्ड ट्रम्प यांचा खळबळजनक दावा
