OnePlus 13 Discount Offer India : जर तुम्ही बजेटचे जास्त ओझे न घेता एखादा फ्लॅगशिप स्मार्टफोन खरेदी करण्याचा विचार करत असाल, तर तुमच्यासाठी एक महत्त्वाची बातमी आहे. विजय सेल्सवर OnePlus 13 वर सध्या जबरदस्त डील उपलब्ध आहे.
कमी किमतीत फ्लॅगशिप दर्जाची कामगिरी हवी असलेल्या युजर्ससाठी हा स्मार्टफोन एक उत्तम पर्याय ठरत आहे. हे ऑफर्स मर्यादित काळासाठीच असू शकतात, त्यामुळे खरेदीसाठी घाई करणे फायदेशीर ठरेल.
वनप्लस 13 वरील आकर्षक डील:
OnePlus 13 भारतात 69,999 रुपयांच्या सुरुवातीच्या किमतीत लाँच करण्यात आला होता. मात्र, विजय सेल्सच्या अधिकृत वेबसाइटवर या स्मार्टफोनचा 12GB + 256GB व्हेरिएंट सध्या 60,999 रुपयांमध्ये लिस्ट करण्यात आला आहे. याचाच अर्थ ग्राहकांना यावर 9,000 रुपयांचा थेट डिस्काउंट मिळत आहे. याव्यतिरिक्त बँक ऑफर्सच्या माध्यमातून ग्राहक 3,500 रुपयांपर्यंतची अतिरिक्त सवलत मिळवू शकतात. सोबतच नो-कॉस्ट ईएमआयचे पर्याय देखील उपलब्ध आहेत.
OnePlus 13 ची प्रमुख वैशिष्ट्ये:
डिस्प्ले: या फोनमध्ये 6.82 इंचाचा QHD+ LTPO 3K स्क्रीन देण्यात आला आहे. याचा रिफ्रेश रेट 120Hz असून तो HDR10+ ला सपोर्ट करतो. विशेष म्हणजे, याची पीक ब्राइटनेस 4,500 निट्सपर्यंत आहे.
प्रोसेसर: वेगासाठी यात क्वालकॉमचा शक्तिशाली Snapdragon 8 Elite चिपसेट वापरण्यात आला असून ग्राफिक्ससाठी एड्रेनो 830 जीपीयू देण्यात आला आहे.
बॅटरी आणि चार्जिंग: दीर्घकाळ बॅटरी बॅकअपसाठी यात 6,000mAh ची मोठी बॅटरी आहे. ही बॅटरी 100W वायर्ड फास्ट चार्जिंग आणि 50W वायरलेस चार्जिंगला सपोर्ट करते.
कॅमेरा सेटअप: फोटोग्राफीसाठी मागे ट्रिपल कॅमेरा सेटअप आहे. यात 50MP मुख्य सेन्सर, 3x ऑप्टिकल झूमसह 50MP टेलिफोटो लेन्स आणि 50MP अल्ट्रा-वाईड कॅमेरा समाविष्ट आहे. सेल्फीसाठी फ्रंटला 32MP कॅमेरा देण्यात आला आहे.
