ChatGPT-5 : OpenA ने अखेर त्यांचे नवीनतम AI मॉडेल जीपीटी-5 (GPT-5) लाँच केले आहे. हे नवे मॉडेल कंपनीच्या सर्व जुन्या एआय मॉडेल्सची जागा घेईल. तसेच, हे मॉडेल सर्वोत्कृष्ट बुद्धिमत्ता आणि प्रगत विचारांसह बाजारात आणले असल्याचा कंपनीचा दावा आहे. या मॉडेलमध्ये सर्व क्षमता एकाच ठिकाणी एकत्र करण्यात आल्या आहेत.
जीपीटी-5 ची नवीन वैशिष्ट्ये
ओपनएआयच्या म्हणण्यानुसार, जीपीटी-5 हे एक युनिफाइड सिस्टीम आहे, जे अधिक स्मार्ट आणि कार्यक्षम आहे. या मॉडेलकडे जवळपास सर्व प्रश्नांची उत्तरे आहेत आणि जटिल प्रश्नांसाठी ‘डीपर रीझनिंग’ मॉडेलचा वापर करते.
- उत्कृष्ट कोडिंग क्षमता: जीपीटी-5 हे ओपनएआयचे सर्वात शक्तिशाली कोडिंग मॉडेल (Coding Model) आहे. हे कॉम्प्लेक्स फ्रंटएंड जनरेशन आणि डिबगिंगमध्ये उत्कृष्ट कामगिरी करते. केवळ एका प्रॉम्प्टच्या मदतीने संपूर्ण वेबसाइट, ॲप किंवा गेम डिझाइन करण्याची क्षमता यात आहे.
- पीएचडी स्तराचे ज्ञान: ओपनएआयचे सीईओ (CEO) सॅम अल्टमन यांच्या मते, जीपीटी-5 मध्ये पीएचडी स्तराचे ज्ञान आहे. त्याच्याशी बोलताना तुम्हाला एखाद्या विषयातील तज्ज्ञासोबत बोलत असल्याचा अनुभव येईल.
- चुकांमध्ये घट: कंपनीने असा दावा केला आहे की, या मॉडेलमध्ये चुका होण्याची शक्यता कमी आहे. जीपीटी-4o च्या तुलनेत जीपीटी-5 च्या प्रतिसादांमध्ये तथ्यात्मक त्रुटी 45 टक्क्यांपर्यंत कमी असतील.
- युक्तिवाद: यापूर्वीच्या मॉडेल्समध्ये ‘थिंक लॉंगर’ नावाचा पर्याय यूजर्सला युक्तिवाद करण्यासाठी सुरू करावा लागत होता, पण जीपीटी-5 मध्ये ही प्रक्रिया आपोआप होते.
ChatGPT 5 ची किंमत
चॅटजीपीटी-5 हे मिनी, रेग्युलर आणि प्रो अशा तीन व्हर्जनमध्ये (Version) लाँच करण्यात आले आहे.
चॅटजीपीटी-5 मिनी: हे व्हर्जन एकदा वापरण्यासाठी विनामूल्य असेल. तसेच, ज्यांनी आपली दैनिक मर्यादा वापरली आहे अशा सशुल्क यूजर्ससाठी (Paid Users) हे विनामूल्य उपलब्ध असेल. चॅटजीपीटी-5 प्रो चे मासिक शुल्क 200 डॉलर आहे.
ओपनएआयने स्पष्ट केले आहे की, आतापासून जीपीटी-5 हेच मुख्य चॅटजीपीटी मॉडेल असेल, जे जीपीटी-4o, ओपनएआय o3, ओपनएआय o4-मिनी, जीपीटी-4.1 आणि जीपीटी-4.5 यांसारख्या जुन्या मॉडेल्सची जागा घेईल.
