Royal Enfield Goan Classic 350: भारतीय दुचाकी क्षेत्रातील दिग्गज कंपनी ‘रॉयल एनफील्ड’ने आता जागतिक स्तरावर आपली वेगळी ओळख निर्माण केली आहे. नुकतेच जेरुसलेममध्ये आयोजित एका तंत्रज्ञान प्रदर्शनात कंपनीने आपली ‘गोअन क्लासिक 350’ ही बाइक सादर केली.
या प्रदर्शनाला भारताचे पंतप्रधान नरेंद्र मोदी आणि इस्रायलचे पंतप्रधान बेंजामिन नेतान्याहू यांनी भेट दिली. यावेळी दोन्ही नेत्यांनी या शानदार भारतीय मोटारसायकलसोबत फोटोही काढले.
काय आहे गोअन क्लासिक 350 मध्ये खास?
ही बाइक क्लासिक 350 वर आधारित असली तरी तिला ‘बॉबर’ स्टाईलचा लूक देण्यात आला आहे. याचे डिझाइन आणि फीचर्स खालीलप्रमाणे आहेत:
- इंजिन: यामध्ये 349 cc चे सिंगल-सिलेंडर, एअर-कूल्ड इंजिन आहे, जे 20.2 bhp पॉवर आणि 27 Nm टॉर्क जनरेट करते.
- डिझाइन: टियरड्रॉप आकाराची इंधन टाकी, लांब हँडलबार आणि फ्लोटिंग सीट यामुळे ही बाइक अत्यंत स्टायलिश दिसते.
- टायर आणि ब्रेकिंग: यात समोर 19 इंच आणि मागे 16 इंचाचे वायर-स्पोक व्हील्स असून ट्यूबलेस टायर दिले आहेत. सुरक्षेसाठी दोन्ही चाकांना डिस्क ब्रेक आणि ड्युअल चॅनल एबीएसची सुविधा मिळते.
- आधुनिक फीचर्स: बाइकला एलईडी लाईट्स, ट्रिपर नेव्हिगेशन आणि गिअर पोझिशन इंडिकेटरने सज्ज करण्यात आले आहे.
रॉयल एनफील्डची जागतिक भरारी
रॉयल एनफील्ड सध्या जगातील सुमारे 80 देशांमध्ये आपला व्यवसाय करत आहे. गोअन क्लासिक 350 ही बाइक प्रामुख्याने युनायटेड किंगडम, ऑस्ट्रेलिया आणि उत्तर अमेरिका यांसारख्या विकसित बाजारपेठांमध्ये निर्यात केली जाते. मध्य आशिया आणि मध्यपूर्वेतील बाजारपेठेत आपले स्थान अधिक मजबूत करण्याचा कंपनीचा मानस आहे.
