Realme 16 Pro Series : काही दिवसांपूर्वीच भारतात लाँच झालेली Realme 16 Pro सिरीज आता विक्रीसाठी उपलब्ध झाली आहे. या सिरीजमध्ये Realme 16 Pro 5G आणि Realme 16 Pro+ 5G या दोन शक्तिशाली मॉडेल्सचा समावेश आहे.
हे दोन्ही फोन्स फ्लिपकार्ट, रियलमीची अधिकृत वेबसाईट आणि निवडक स्टोअर्सवर खरेदी करता येतील. आकर्षक डिझाइन आणि अद्ययावत तंत्रज्ञानाने सज्ज असलेल्या या फोनमध्ये खास भारतीय ग्राहकांसाठी काही विशेष रंगांचे पर्यायही देण्यात आले आहेत.
Realme 16 Pro सिरीज: किंमत आणि ऑफर्स
Realme 16 Pro 5G:
- 8GB + 128GB: 31,999 रुपये.
- 8GB + 256GB: 33,999 रुपये.
- 12GB + 256GB: 36,999 रुपये.
- ऑफर्स: फ्लिपकार्टवरून खरेदी केल्यास 3,000 रुपयांची बँक सवलत किंवा 5,000 रुपयांपर्यंतचा एक्सचेंज बोनस मिळू शकतो.
Realme 16 Pro+ 5G:
- 8GB + 128GB: 39,999 रुपये.
- 8GB + 256GB: 41,999 रुपये.
- 12GB + 256GB: 44,999 रुपये.
- ऑफर्स: या मॉडेलवर 4,000 रुपयांचा इन्स्टंट बँक डिस्काउंट उपलब्ध आहे. जुन्या रियलमी ग्राहकांना दोन्ही मॉडेल्सवर 1,000 रुपयांचा अतिरिक्त फायदा मिळेल.
प्रमुख वैशिष्ट्ये :
डिस्प्ले: Realme 16 Pro+ मध्ये 6.8 इंचाचा AMOLED डिस्प्ले आहे जो 144Hz रिफ्रेश रेटला सपोर्ट करतो. याची पीक ब्राइटनेस 6,500 निट्स इतकी प्रचंड आहे. स्टँडर्ड मॉडेलमध्ये 6.78 इंचाचा डिस्प्ले देण्यात आला आहे.
प्रोसेसर: प्रो प्लस मॉडेलमध्ये शक्तिशाली Snapdragon 7 Gen 4 प्रोसेसर आहे, तर स्टँडर्ड मॉडेलमध्ये MediaTek Dimensity 7300 Max चिपसेट वापरला आहे.
कॅमेरा: दोन्ही फोनमध्ये 200 मेगापिक्सेलचा मुख्य रियर कॅमेरा आहे. सेल्फीसाठी दोन्हीकडे 50 मेगापिक्सेलचा फ्रंट कॅमेरा मिळतो. प्रो प्लस मॉडेलमध्ये अतिरिक्त 50 मेगापिक्सेलचा टेलिफोटो लेन्स देण्यात आला आहे.
बॅटरी: या सिरीजचे सर्वात मोठे आकर्षण म्हणजे याची 7,000mAh ची ‘टाइटन’ बॅटरी. दोन्ही फोन 80W फास्ट चार्जिंगला सपोर्ट करतात.
रंग: प्रो मॉडेल मास्टर गोल्ड, पेबल ग्रे आणि ऑर्किड पर्पल (इंडिया एक्सक्लूसिव्ह) रंगात उपलब्ध आहे. तर प्रो प्लस मॉडेल मास्टर गोल्ड, मास्टर ग्रे आणि कॅमेलिया पिंक (इंडिया एक्सक्लूसिव्ह) शेड्समध्ये मिळतो.
मजबुती: धूळ आणि पाण्यापासून संरक्षणासाठी या फोन्सना IP66, IP68 आणि IP69 सारखी उच्च रेटिंग मिळाली आहे.
