Realme C85 5G Details : रिअलमी (Realme) कंपनीने भारतात आपला नवा Realme C85 5G फोन सादर केला आहे. 7,000mAh क्षमतेच्या दमदार बॅटरीमुळे हा फोन ग्राहकांसाठी एक आकर्षक पर्याय ठरू शकतो.
कंपनीने दावा केला आहे की, या बॅटरीमुळे 22 तासांचा व्हिडिओ प्लेबॅक, 50 तासांची कॉलिंग आणि 145 तासांचा म्युझिक प्लेबॅक मिळेल. हा फोन लवकरच ई-कॉमर्स प्लॅटफॉर्म्स आणि कंपनीच्या वेबसाइटवर विक्रीसाठी उपलब्ध होईल.
किंमत, उपलब्धता आणि मुख्य फीचर्स
Realme C85 5G मध्ये MediaTek Dimensity 6300 चिपसेट देण्यात आला आहे. हा फोन 4GB रॅम आणि 128GB स्टोरेजसह दोन रंगांच्या पर्यायांमध्ये सादर करण्यात आला आहे.
- किंमत:
- 4GB रॅम + 128GB इनबिल्ट स्टोरेज: 14,999 रुपये.
- 6GB रॅम + 128GB स्टोरेज: 16,499 रुपये.
- उपलब्धता: या फोनची विक्री 1 डिसेंबर रोजी दुपारी कंपनीचे ऑनलाइन स्टोअर आणि फ्लिपकार्टवर सुरू होईल. हा फोन पॅरट पर्पल आणि पीकॉक ग्रीन या रंगांमध्ये उपलब्ध असेल.
Realme C85 5G: खास स्पेसिफिकेशन्स
डिस्प्ले: यात 6.8-इंच आकाराची एलसीडी स्क्रीन आहे. जी एचडी+ रेझोल्यूशन, 144Hz पर्यंत रिफ्रेश रेट आणि 1,200 nits पर्यंत पीक ब्राइटनेस सह येते. संरक्षणासाठी यावर कॉर्निंग ग्लास प्रोटेक्शन देण्यात आले आहे.
प्रोसेसर आणि स्टोरेज: हा फोन ऑक्टा कोर MediaTek Dimensity 6300 चिपसेटवर चालतो. यात 6GB पर्यंत रॅम आणि 12GB पर्यंत डायनॅमिक रॅम उपलब्ध आहे. थर्मल कंट्रोलसाठी यात एक विशेष वेपर चेंबर देण्यात आले आहे. कंपनीचा दावा आहे की हा फोन एकाच वेळी 17 ॲप्स चालू ठेवू शकतो.
कॅमेरा: फोटोग्राफीसाठी Realme C85 5G मध्ये 50-मेगापिक्सलचा Sony IMX852 मुख्य रियर कॅमेरा आहे. हा 1080p रेझोल्यूशनचे व्हिडिओ 30 fps वर रेकॉर्ड करू शकतो. समोर 8-मेगापिक्सलचा सेल्फी आणि व्हिडिओ कॉलसाठी कॅमेरा देण्यात आला आहे.
बॅटरी आणि कनेक्टिव्हिटी: 7,000mAh क्षमतेची बॅटरी 45W SuperVOOC वायर्ड फास्ट चार्जिंगला सपोर्ट करते. कनेक्टिव्हिटीसाठी यात 5G, 4G LTE, USB टाइप-C पोर्ट, ड्युअल बँड वाय-फाय आणि ब्लूटूथ 5.3 यांसारखी फीचर्स आहेत. हा फोन IP69 धूळ आणि पाणी प्रतिरोधक आहे.
हे देखील वाचा – Dhurandhar Movie : रणवीर सिंगच्या ‘धुरंधर’ चित्रपटाच्या प्रदर्शनावर बंदीची मागणी; कारण काय? वाचा
