Realme GT 7 | Realme ने भारतात आपल्या GT सिरीजमधील आणखी एक स्मार्टफोन लाँच केला आहे. कंपनीने नवीन Realme GT 7 ला 45 हजारांच्या बजेटमध्ये लाँच केले आहे. हा फोन iQOO Neo 10, OnePlus 13R आणि लवकरच येणाऱ्या OnePlus 13s ला टक्कर देईल.
Realme GT 7 ची भारतातील किंमत:
Realme GT 7 च्या 8GB रॅम/256GB स्टोरेज मॉडेलची किंमत ₹39,999 आहे. 12GB रॅम/256GB स्टोरेज व्हेरियंटची किंमत ₹42,999 आणि 12GB रॅम/512GB स्टोरेज मॉडेलची किंमत ₹46,999 आहे.
या फोनची विक्री 30 मे पासून Amazon, Realme ची अधिकृत वेबसाइट आणि ऑफलाइन स्टोअर्सवर सुरू होईल. आजपासून प्री-बुकिंग सुरू झाली आहे आणि जे ग्राहक डिव्हाइस प्री-बुक करतील त्यांना एक वर्षाचे मोफत स्क्रीन डॅमेज प्रोटेक्शन मिळेल.
Realme GT 7 स्पेसिफिकेशन्स:
Realme GT 7 मध्ये 6.78-इंचाचा AMOLED डिस्प्ले आहे, जो 6,000 nits पर्यंत पीक ब्राइटनेस आणि आर्मर शेल ग्लास प्रोटेक्शनसह येतो. यात IP69 रेटिंग देखील आहे, ज्यामुळे तो पाणी आणि धूळीपासून सुरक्षा मिळते. याचा अर्थ फोन 1.5 मीटर पर्यंत पाण्यात 30 मिनिटे राहू शकतो.
Realme GT 7 मध्ये MediaTek Dimensity 9400e प्रोसेसर आणि Immortalis-G720 MC12 GPU आहे. हा फोन 16GB पर्यंत LPDDR5x रॅम आणि 1TB पर्यंत UFS 4.0 स्टोरेजसह येतो.
हा फोन Android 15 आधारित Realme UI 6.0 वर चालतो. कंपनीने तीन वर्षांचे OS अपडेट्स आणि चार वर्षांचे सुरक्षा पॅचेस देण्याचे आश्वासन दिले आहे. GT 7 मध्ये 120W फास्ट चार्जिंग सपोर्टसह 7,000mAh ची मोठी बॅटरी आहे.
कॅमेऱ्याच्या बाबतीत, GT 7 मध्ये ट्रिपल रिअर कॅमेरा सेटअप आहे. यात OIS सह 50MP Sony IMX906 प्रायमरी सेन्सर, OIS सह 50MP 2x टेलीफोटो लेन्स आणि 8MP अल्ट्रा-वाइड-एंगल लेन्स दिली आहे.. फ्रंटला f/2.45 अपर्चरसह 32MP सेल्फी कॅमेरा आहे.
