Realme GT 8 Pro Price-Specifications : Realme या स्मार्टफोन कंपनीने भारतीय बाजारपेठेत आपला नवीन फ्लॅगशिप ) फोन Realme GT 8 Pro आणि Realme GT 8 Pro Dream Edition सादर केला आहे. या फोनची सुरुवातीची किंमत 72,999 रुपये ठेवण्यात आली आहे.
याच किंमतीत उपलब्ध असलेल्या OnePlus 15 स्मार्टफोनपेक्षा या फोनचा QHD+ रिझोल्यूशन (Resolution) असलेला डिस्प्ले अधिक चांगला आहे. हा रियलमीचा भारतात लाँच करण्यात आलेल्या सर्वात महागड्या फोनपैकी एक आहे.
किंमत आणि उपलब्धता Realme GT 8 Pro ची किंमत स्टोरेजनुसार खालीलप्रमाणे आहे:
- 12GB रॅम + 256GB स्टोरेज: 72,999 रुपये
- 16GB रॅम + 512GB स्टोरेज: 78,999 रुपये
Realme GT 8 Pro Dream Edition 16GB रॅम आणि 512GB अंतर्गत स्टोरेजसह 79,999 रुपयांना उपलब्ध आहे. हा फोन डायरी व्हाईट आणि अर्बन ब्लू अशा दोन रंगांमध्ये Flipkart वर उपलब्ध असेल. या फोनवर 5000 रुपयांचा बँक सवलत मिळेल, मात्र ड्रीम एडिशनवर कोणतीही सवलत उपलब्ध नाही.
Realme GT 8 Pro : वैशिष्ट्ये
ऑपरेटिंग सिस्टीम: हा फोन Android 16 वर आधारित Realme UI 7.0 या युजर इंटरफेसवर चालतो.
प्रोसेसर: स्मार्टफोनला पॉवर देण्यासाठी Qualcomm Snapdragon 8 Elite Gen 5 एसओसी (SoC) प्रोसेसर देण्यात आला आहे. यात 16GB पर्यंत LPDDR5X रॅम आणि 512GB पर्यंत UFS 4.1 अंतर्गत स्टोरेजचा सपोर्ट आहे.
डिस्प्ले: यामध्ये 6.79 इंच आकाराचा QHD+ BOE Q10 फ्लेक्सिबल AMOLED डिस्प्ले दिला आहे. या डिस्प्लेचा रिफ्रेश दर 144Hz आहे, तर टच सॅम्पलिंग दर 360Hz आहे. हा डिस्प्ले 2000nits पर्यंत पीक ब्राइटनेस ला सपोर्ट करतो आणि संरक्षणासाठी Gorilla Glass 7i वापरण्यात आले आहे.
बॅटरी आणि चार्जिंग: फोनमध्ये 120W च्या फास्ट-चार्जिंगला सपोर्ट करणारी 7000mAh ची मोठी बॅटरी देण्यात आली आहे.
सुरक्षा: हे डिव्हाइस धूळ आणि पाण्यापासून संरक्षणासाठी IP66, IP68 आणि IP69 रेटिंगसह येते.
कनेक्टिव्हिटी: यात Bluetooth 6.0 चा सपोर्ट देखील मिळतो.
कॅमेरा : या फोनमध्ये मागील बाजूस उत्कृष्ट कामगिरी करणारा ट्रिपल (Triple) कॅमेरा सेटअप देण्यात आला आहे. मुख्य सेन्सर: 50MP Sony IMX906 सेन्सर, अल्ट्रावाइड-अँगल कॅमेरा: 50MP, टेलीफोटो कॅमेरा: 200MP चा शक्तिशाली सेन्सर जो 120x डिजिटल झूम क्षमतेसह येतो. तर पुढील बाजूस 32MP चा सेन्सर दिला आहे.
हे देखील वाचा – Justice BR Gavai : ‘मी बौद्ध धर्माचे पालन करत असलो तरी,…’; निवृत्तीपूर्वी सरन्यायाधीश गवई यांनी धर्मनिरपेक्ष विचारांबद्दल केले भाष्य
