Realme P4 Lite : स्मार्टफोन निर्माता कंपनी रियलमीने भारतीय बाजारपेठेत आपला नवीन स्वस्त स्मार्टफोन ‘Realme P4 Lite’ लाँच केला आहे. हा फोन प्रामुख्याने अशा ग्राहकांसाठी आहे ज्यांना कमी बजेटमध्ये मोठी बॅटरी आणि चांगले फीचर्स हवे आहेत. सध्या हा फोन प्री-ऑर्डरसाठी उपलब्ध असून लवकरच त्याची विक्री सुरू होणार आहे.
बॅटरी आणि डिस्प्ले
या फोनचे सर्वात मोठे वैशिष्ट्य म्हणजे यामध्ये ६,३०० mAh ची मोठी बॅटरी देण्यात आली आहे, जी १५ वॉट चार्जिंगला सपोर्ट करते. फोनमध्ये ६.७४ इंचाचा एचडी प्लस डिस्प्ले असून तो ९० Hz रिफ्रेश रेटला सपोर्ट करतो. यामुळे फोन वापरताना अधिक स्मूद अनुभव मिळतो. स्क्रीनची पीक ब्राइटनेस ५६३ निट्स आहे.
कॅमेरा आणि इतर फीचर्स
१. प्रोसेसर: हा स्मार्टफोन युनिसोक टी७२५० प्रोसेसरवर चालतो.
२. कॅमेरा: फोटोग्राफीसाठी यात १३ मेगापिक्सेलचा रिअर कॅमेरा आणि ५ मेगापिक्सेलचा फ्रंट कॅमेरा देण्यात आला आहे.
३. सॉफ्टवेअर: हा फोन अँड्रॉइड १५ वर आधारित रियलमी यूआयवर काम करतो.
४. सुरक्षा: सुरक्षेसाठी यात साईड माउंटेड फिंगरप्रिंट सेन्सर आहे आणि हा फोन आयपी ५४ रेटिंगसह येतो, जो धुळीपासून संरक्षण देतो.
हा फोन बीच गोल्ड, ओब्सीडियन ब्लॅक आणि सी ब्लू अशा तीन आकर्षक रंगांमध्ये ग्राहकांना निवडता येईल.
किंमत आणि ऑफर्स
Realme P4 Lite दोन व्हेरिएंटमध्ये सादर करण्यात आला आहे. ४ जीबी रॅम आणि ६४ जीबी स्टोरेज असलेल्या बेस मॉडेलची किंमत ९,९९९ रुपये आहे. तर ४ जीबी रॅम आणि १२८ जीबी स्टोरेज असलेल्या व्हेरिएंटची किंमत ११,९९९ रुपये ठेवण्यात आली आहे.
मात्र, कंपनीने लाँचिंगच्या वेळी विशेष ऑफर्स दिल्या आहेत. १,००० रुपयांचा बँक डिस्काउंट आणि १,००० रुपयांचा कूपन डिस्काउंट अशा सर्व ऑफर्स लागू केल्यास या फोनची सुरुवातीची प्रभावी किंमत केवळ ७,९९९ रुपये इतकी होते. फ्लिपकार्ट आणि रियलमीच्या अधिकृत वेबसाईटवरून २४ फेब्रुवारीपासून हा फोन खरेदी करता येईल.
