Redmi A5 Exclusive Edition: स्मार्टफोन बनवणारी लोकप्रिय कंपनी Redmi ने Airtel सोबत पार्टनरशिपमध्ये आपला नवीन बजेट स्मार्टफोन लाँच केला आहे. Redmi A5 Airtel Exclusive Edition असे या फोनचे नाव असून, त्याची किंमत 5,999 रुपये आहे. हा फोन गेल्या वर्षी आलेल्या Redmi A4 Airtel Edition चा अपग्रेडेड व्हर्जन आहे.
Redmi A5 Exclusive Edition: किंमत आणि ऑफर्स
हा फोन फक्त एअरटेलच्या सिम कार्डसह काम करतो. या फोनचा वापर करण्यासाठी युजर्सना कमीत कमी 299 रुपयांच्या प्लॅनने 18 महिने रिचार्ज करणे अनिवार्य आहे.
या ऑफरमध्ये ग्राहकांना फोनच्या खरेदीवर जवळपास 7.5 टक्के सूट मिळेल. याव्यतिरिक्त, कंपनी फोन खरेदी करणाऱ्या युजर्सना 50GB फ्री डेटा देखील देत आहे.
हा फोन फक्त 3GB रॅम आणि 64GB इंटरनल स्टोरेज या एकाच वेरिएंटमध्ये उपलब्ध आहे. फोन तीन आकर्षक रंगांमध्ये (Jaisalmer Gold, Just Black आणि Pondicherry Blue) उपलब्ध असून, तो फ्लिपकार्टवर खरेदीसाठी उपलब्ध आहे.
Redmi A5 चे खास फीचर्स
Redmi A5 Airtel Exclusive Edition मध्ये अनेक दमदार फीचर्स देण्यात आले आहेत.
- डिस्प्ले: यात 1650 x 720 पिक्सल रिझोल्यूशनसह 6.88 इंचाचा मोठा डिस्प्ले मिळतो. हा डिस्प्ले 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो.
- प्रोसेसर: फोनमध्ये Unisoc T7250 चिपसेटचा वापर करण्यात आला आहे.
- कॅमेरा: फोटोग्राफीसाठी यात 32 मेगापिक्सलचा AI ड्युअल कॅमेरा सेटअप दिला आहे, तर सेल्फीसाठी 8 मेगापिक्सलचा फ्रंट कॅमेरा आहे.
- बॅटरी: यात 5200mAh ची मोठी बॅटरी आहे, जी 15W फास्ट चार्जिंगला सपोर्ट करते.
- सॉफ्टवेअर: हा फोन अँड्रॉइड 15 आउट ऑफ द बॉक्सवर चालतो आणि कंपनी 2 वर्षांपर्यंत अँड्रॉइड अपडेट देण्याचे वचन देत आहे.
- इतर फीचर्स: यात साइड-माउंटेड फिंगरप्रिंट सेन्सर, IP52 डस्ट आणि वॉटर रेझिस्टन्स रेटिंग, 150% व्हॉल्यूम बूस्ट आणि 3.5mm हेडफोन जॅक असे अनेक उपयोगी फीचर्स दिले आहेत.
हे देखील वाचा – जामीन मिळाल्यावर कैद्यांसाठी केला ‘नागीण डान्स’; रिया चक्रवर्तीने सांगितला तुरुंगातील अनुभव
