Revolt Motors electric bike discount offer : वाढत्या इंधन दरवाढीच्या काळात इलेक्ट्रिक वाहनांकडे वळणाऱ्यांची संख्या मोठी आहे. अशातच आता रिव्हॉल्ट मोटर्सने आपल्या ग्राहकांसाठी एक खूशखबर आणली आहे. कंपनीने आपल्या लोकप्रिय इलेक्ट्रिक मोटरसायकलवर २५,००० रुपयांपर्यंतची विशेष सवलत देण्याची घोषणा केली आहे. ही ऑफर मर्यादित काळासाठी असून ३१ मार्च २०२६ पर्यंतच ग्राहकांना याचा लाभ घेता येणार आहे.
२५ हजारांचा फायदा कसा मिळेल?
रिव्हॉल्ट मोटर्सने हा सवलतींचा कार्यक्रम सरकारची पीएम ई-ड्राइव्ह योजना लक्षात घेऊन आखला आहे. ग्राहकांना मिळणाऱ्या फायद्यांमध्ये खालील बाबींचा समावेश आहे:
- थेट सूट: कंपनीकडून विविध मॉडेल्सवर ८,००० रुपयांपर्यंतची थेट सवलत दिली जात आहे.
- शासकीय योजना: पीएम ई-ड्राइव्ह योजनेअंतर्गत ५,००० रुपयांची अतिरिक्त बचत ग्राहकांना होणार आहे.
- मोफत सुविधा: बाइक खरेदीवर मोफत विमा (इन्शुरन्स) आणि ४९,९९९ रुपयांपर्यंतची मोफत वॉरंटी दिली जात आहे.
या सर्व सवलतींची एकत्रित बेरीज केल्यास ग्राहकांना तब्बल २५,००० रुपयांपर्यंतचा मोठा फायदा मिळणार आहे. ही ऑफर रिव्हॉल्टच्या RV1, RV1+, RV BlazeX, RV400 BRZ आणि RV 400 या सर्व लोकप्रिय मॉडेल्सवर लागू आहे.
ऑफरमागचा उद्देश
इलेक्ट्रिक वाहने सर्वसामान्यांच्या खिशाला परवडतील अशा किमतीत उपलब्ध करून देणे हा या सवलतीचा मुख्य उद्देश आहे. पेट्रोलवर चालणाऱ्या जुन्या दुचाकी सोडून आता अधिकाधिक नागरिकांनी पर्यावरपूरक इलेक्ट्रिक बाइक्सचा अनुभव घ्यावा, यासाठी कंपनीने पुढाकार घेतला आहे.
कुठे आणि कशी कराल खरेदी?
ही विशेष सवलत देशभरातील सर्व अधिकृत रिव्हॉल्ट शोरूम्सवर उपलब्ध आहे. ज्या ग्राहकांना बाइक बुक करायची आहे किंवा अधिक माहिती हवी आहे, त्यांनी कंपनीच्या अधिकृत वेबसाइटला भेट द्यावी. मात्र, लक्षात ठेवा की ३१ मार्च २०२६ ही या ऑफरची अंतिम तारीख आहे, त्यामुळे लवकरात लवकर याचा लाभ घेणे फायदेशीर ठरेल.
