Royal Enfield Bullet 350: केंद्र सरकारने नुकत्याच केलेल्या GST दरातील बदलामुळे Royal Enfield च्या लोकप्रिय बाईक्सच्या किमतींवर संमिश्र परिणाम होणार आहे. 350cc पेक्षा कमी इंजिन क्षमता असलेल्या बाईक्सवरील GST दर 28% वरून 18% करण्यात आला आहे, ज्यामुळे या बाईक्स स्वस्त होणार आहेत.
मात्र, 350cc पेक्षा जास्त इंजिन असलेल्या बाईक्सवर आता 40% कर लागणार आहे, ज्यामुळे त्यांच्या किमती वाढणार आहेत.
Royal Enfield चा विचार केल्यास, कंपनीच्या एकूण विक्रीपैकी जवळपास 87% विक्री ही 349cc मॉडेल्सची असते. त्यामुळे, या लोकप्रिय मॉडेल्सना GST कपातीचा थेट फायदा होणार आहे. यात Hunter 350, Classic 350, Meteor 350, आणि Bullet 350 यांचा समावेश आहे. या बाईक्सच्या किमतीत 14,990 ते 23,500 रुपयांपर्यंत घट होण्याची शक्यता आहे.
Royal Enfield Bullet 350 होणार इतकी स्वस्त
जर तुम्ही Bullet 350 घेण्याचा विचार करत असाल, तर ही तुमच्यासाठी एक चांगली संधी आहे. 349cc इंजिन असलेल्या या बाईकची सध्याची एक्स-शोरूम किंमत 1,76,000 रुपये आहे. यावर 10% GST कमी झाल्यामुळे, ग्राहकांना थेट 17,663 रुपयांचा फायदा होऊ शकतो, ज्यामुळे बाईकची किंमत कमी होईल.
Royal Enfield Bullet 350 मध्ये सिंगल-सिलेंडर, 4-स्ट्रोक, एअर-ऑइल कूल्ड इंजिन बसवले आहे. हे इंजिन 6,100 rpm वर 20.2 bhp पॉवर आणि 4,000 rpm वर 27Nm टॉर्क निर्माण करते. बाईकसोबत 5-स्पीड कॉन्स्टंट मेश गिअरबॉक्स दिला आहे. ही बाईक सुमारे 35 kmpl मायलेज देते आणि 13 लिटरची फ्युएल टँक फुल केल्यावर जवळपास 450 किमीपर्यंत धावू शकते.
450cc आणि 650cc च्या प्रीमियम बाईक्ससाठी हा बदल नुकसानीचा ठरू शकतो. Himalayan 450, Guerrilla 450, Scram 440, आणि 650cc रेंजमधील सर्व मॉडेल्स अधिक महाग होतील. त्यांच्या किमतीत 18,720 ते 33,480 रुपयांपर्यंत वाढ होण्याचा अंदाज आहे.
ताज्या बातम्यांसाठी येथे क्लिक करून नवाकाळचे WhatsApp Channel फॉलो करा
हे देखील वाचा –
कर्करोगाच्या उपचारात क्रांती; रशियाने आणली नवीन ‘ही’ विशेष लस
समुद्रातील केबल तुटली; भारतासह अनेक देशातील इंटरनेट सेवेवर परिणाम
