Samsung Galaxy Z Fold 7 price discount on Flipkart : जर तुम्ही एक स्टायलिश डिझाइन, उत्कृष्ट डिस्प्ले आणि दमदार परफॉर्मन्स असलेला फोल्डेबल फोन घेण्याचा विचार करत असाल, तर तुमच्यासाठी एक महत्त्वाची बातमी आहे.
गेल्या वर्षी 1,74,999 रुपयांना लाँच झालेला सॅमसंगचा प्रीमियम स्मार्टफोन Samsung Galaxy Z Fold 7 आता फ्लिपकार्टवर मोठ्या डिस्काउंटसह मिळत आहे. या ई-कॉमर्स प्लॅटफॉर्मवर केवळ किंमतच कमी झाली नाही, तर बँक ऑफर्स आणि एक्सचेंज बोनसमुळे हा व्यवहार अधिक फायदेशीर ठरत आहे.
किंमत आणि बँक ऑफर्सचा फायदा कसा घ्यावा?
सध्या फ्लिपकार्टवर Samsung Galaxy Z Fold 7 ची किंमत थेट 10,000 रुपयांनी कमी होऊन 1,64,999 रुपये दाखवण्यात येत आहे. याशिवाय, जर तुमच्याकडे फ्लिपकार्ट ॲक्सिस बँकेचे क्रेडिट कार्ड असेल, तर तुम्हाला 4,000 रुपयांची अतिरिक्त सवलत मिळेल. यामुळे फोनची किंमत 1,60,999 रुपयांपर्यंत खाली येते.
ज्यांना हा फोन हप्त्यावर घ्यायचा आहे, त्यांच्यासाठी दरमहा 6,131 रुपयांपासून नो-कॉस्ट ईएमआय पर्याय देखील उपलब्ध आहेत. तसेच, जुना फोन एक्सचेंज केल्यास तुम्हाला 63,300 रुपयांपर्यंतची मोठी सवलत मिळू शकते. मात्र, ही किंमत तुमच्या जुन्या फोनच्या स्थितीवर अवलंबून असेल.
हा फोन खरेदी करावा का?
Samsung Galaxy Z Fold 7 हा फोन अत्यंत पातळ आणि हलका असून त्याचे वजन केवळ 215 ग्रॅम आहे. यामध्ये 8 इंचाचा मुख्य आणि 6.5 इंचाचा बाहेरील अमोलेड डिस्प्ले दिला आहे, जो 120Hz रिफ्रेश रेटला सपोर्ट करतो.
- परफॉर्मन्स: यात शक्तिशाली स्नॅपड्रॅगन 8 एलिट प्रोसेसर असून तो फोल्डेबल सेगमेंटमध्ये सर्वात वेगवान मानला जातो.
- कॅमेरा: फोल्ड सिरीजमध्ये पहिल्यांदाच 200MP चा मुख्य कॅमेरा देण्यात आला आहे, जो फोटोग्राफीचा अनुभव उंचावतो.
- फीचर्स: यामध्ये सॅमसंगचे प्रगत एआय (AI) फीचर्स देखील मिळतात.
काही मर्यादा: 1,60,000 रुपये खर्च करूनही यामध्ये 4,400mAh ची बॅटरी आणि केवळ 25W चे चार्जिंग मिळते. तसेच, या मॉडेलसोबत एस-पेन (S Pen) मिळत नाही. त्यामुळे जर तुम्हाला एस-पेनची गरज नसेल आणि तुम्हाला सर्वोत्तम फोल्डेबल अनुभव हवा असेल, तर ही डील तुमच्यासाठी सर्वोत्तम आहे. बजेट कमी असल्यास तुम्ही ‘फोल्ड 6’ चा विचार करू शकता किंवा आगामी ‘फोल्ड 8’ च्या लाँचची प्रतीक्षा करू शकता.
