Samsung Galaxy Z TriFold : Samsung कंपनी लवकरच स्मार्टफोन जगात एक मोठी क्रांती करणार आहे. ट्रिपल फोल्ड होणारा त्यांचा पहिला स्मार्टफोन Galaxy Z TriFold पुढील महिन्यात बाजारात येण्याची जोरदार चर्चा आहे. नुकत्याच समोर आलेल्या एका नवीन लीकनुसार या फोनच्या कॅमेरा, डिस्प्ले आणि बॅटरीच्या खास वैशिष्ट्यांची माहिती समोर आली आहे.
प्रसिद्ध टेक टिप्स्टर इव्हान ब्लास यांच्या माहितीनुसार, Galaxy Z TriFold मध्ये बाहेरील बाजूला 6.5-इंचाचा आणि आतमध्ये उघडल्यानंतर तब्बल 10-इंच चा मोठा डिस्प्ले मिळेल. या फोनचा मुख्य मागील कॅमेरा 200MP चा असेल, तर यात 5,437mAh क्षमतेची दमदार बॅटरी असेल. हा फोन Snapdragon चिपसेटवर चालेल.
डिस्प्ले आणि डिझाईन तपशील
- ब्राइटनेस: बाहेरील पॅनलची पीक ब्राइटनेस 2,600 nits पर्यंत असेल, तर आतील डिस्प्ले 1,600 nits ब्राइटनेस देईल.
- डिझाईन: फोनची डिझाईन अत्यंत स्लिम ठेवण्यात आली आहे. फोल्ड उघडल्यानंतर तिन्ही पॅनलची जाडी थोडी वेगळी असेल, जी अनुक्रमे 3.9mm, 4.0mm आणि 4.2mm असेल. पूर्णपणे फोल्ड केल्यावर या फोनची एकूण जाडी 14mm असण्याचा अंदाज आहे.
लॉन्च आणि किंमतीचे अंदाज
Samsung Galaxy Z TriFold हा स्मार्टफोन 5 डिसेंबर रोजी कोरियामध्ये लॉन्च होऊ शकतो, मात्र याबद्दल Samsung कडून कोणतीही अधिकृत घोषणा झालेली नाही.
लीक झालेल्या माहितीनुसार, या अल्ट्रा-प्रीमियम स्मार्टफोनची किंमत सुमारे $3,000 (भारतीय चलनानुसार सुमारे ₹2,40,000) असण्याची शक्यता आहे. Samsung ने कोरियातील एका कार्यक्रमात हा स्मार्टफोन प्रदर्शित केला होता, परंतु अंतिम घोषणा लवकरच होण्याची अपेक्षा आहे.
