Tecno Phantom V Fold 2 5G: जर तुम्ही फोल्डेबल (Foldable) स्मार्टफोन खरेदी करण्याचा विचार करत असाल तर तुमच्यासाठी एक चांगली बातमी आहे. Amazon ने ‘ग्रेट इंडियन फेस्टिव्हल सेल’ सुरू होण्यापूर्वीच अनेक स्मार्टफोनवर डील्स लाईव्ह केल्या आहेत.
या सेलमध्ये Tecno चा फोल्डेबल स्मार्टफोन Tecno Phantom V Fold 2 5G तब्बल 20,000 रुपयांच्या मोठ्या सवलतीसह उपलब्ध आहे. हा फोन केवळ दिसायला स्टायलिश नाही, तर मजबूत बॉडी, दमदार कॅमेरा आणि मोठी बॅटरी यांसारख्या अनेक खास फीचर्ससह येतो.
Tecno Phantom V Fold 2 5G: Amazon सेलमध्ये फोनची किंमत
सध्या Amazon वर हा फोन 89,999 रुपये किमतीसह लिस्टेड आहे. मात्र, तुम्हाला यासाठी एवढी रक्कम खर्च करावी लागणार नाही. Amazon या फोनवर 20,000 रुपयांचा कूपन डिस्काउंट देत आहे, ज्यामुळे त्याची किंमत थेट 69,999 रुपयांवर येते.
याशिवाय, या फोनवर बँक ऑफर्स आणि एक्सचेंज बोनसचाही लाभ मिळत आहे. तुम्ही बँक ऑफरचा वापर करून किंमत आणखी कमी करू शकता. जुना फोन एक्सचेंज केल्यास तुम्हाला 44,050 रुपयांपर्यंतचा अतिरिक्त बोनस मिळू शकतो. मात्र, एक्सचेंज बोनसची रक्कम तुमच्या जुन्या फोनची स्थिती, मॉडेल आणि ब्रँडवर अवलंबून असेल.
Tecno Phantom V Fold 2 5G ची खास वैशिष्ट्ये
डिस्प्ले: यामध्ये 7.85 इंचाचा 2K+ (2000×2296 पिक्सेल) प्रायमरी AMOLED डिस्प्ले आणि 6.42 इंचाचा फुल HD+ (1080×2550 पिक्सेल) AMOLED कव्हर डिस्प्ले आहे. दोन्ही डिस्प्लेवर कॉर्निंग गोरिल्ला ग्लास व्हिक्टस 2 चे संरक्षण देण्यात आले आहे.
डिझाइन: कंपनीचा दावा आहे की, हा सर्वात मजबूत फोल्डेबल फोन आहे. यात एरोस्पेस-ग्रेड हिंज आहेत, ज्यांची 4 लाख वेळा चाचणी केली गेली आहे. फोल्ड झाल्यावर याची जाडी 11.98 mm असते, तर अनफोल्ड झाल्यावर तो 5.5 mm इतका पातळ होतो.
कॅमेरा: यात OIS सह 50 मेगापिक्सेलचा प्रायमरी रिअर सेन्सर, 2x ऑप्टिकल झूमसह 50 मेगापिक्सेलचा पोर्ट्रेट कॅमेरा आणि 50 मेगापिक्सेलचा अल्ट्रावाइड कॅमेरा आहे. सेल्फीसाठी यात दोन 32 मेगापिक्सेलचे फ्रंट-फेसिंग कॅमेरे आहेत.
बॅटरी: Tecno Phantom V Fold 2 5G मध्ये 5750mAh ची मोठी बॅटरी आहे, जी 70W वायर्ड आणि 15W वायरलेस फास्ट चार्जिंगला सपोर्ट करते.
इतर वैशिष्ट्ये: यात डॉल्बी ॲटमॉस सपोर्ट असलेले स्पीकर, फँटम व्ही पेनचा सपोर्ट आणि Google च्या ‘सर्कल-टू-सर्च’ सारखे खास फीचर्स आहेत.
हे देखील वाचा – खडबडीत रस्त्यांवरही सहज प्रवास! ऑफ-रोड किंग म्हणून ओळखल्या जातात ‘या’ गाड्या; पाहा डिटेल्स
