TVS Bikes: दैनंदिन वापरासाठी एखादी विश्वासार्ह, जास्त मायलेज देणारी आणि कमी देखभाल खर्च लागणारी बाईक शोधणाऱ्यांसाठी TVS च्या बाईक्स नेहमीच पसंतीस पडतात. विशेषतः विद्यार्थी, नोकरदार वर्ग आणि ग्रामीण भागात प्रवास करणाऱ्यांसाठी कंपनीने स्वस्त दरात दमदार इंजिन असलेले पर्याय उपलब्ध करून दिले आहेत.
TVS च्या 3 स्वस्त आणि दमदार बाईक्स:
1. TVS Sport (टीव्हीएस स्पोर्ट) जर तुमची पहिली पसंती केवळ आणि केवळ मायलेज असेल, तर टीव्हीएस स्पोर्ट हा तुमच्यासाठी सर्वात योग्य पर्याय आहे. याची एक्स-शोरूम किंमत 55,500 रुपये आहे.
- इंजिन आणि मायलेज: 109.7cc चे इंजिन असलेली ही बाईक तब्बल 80 किमी पर्यंत मायलेज देण्यास सक्षम आहे.
- खासियत: ही बाईक वजनाला हलकी असल्याने शहरांमधील ट्रॅफिकमध्ये चालवण्यासाठी अतिशय सोपी आहे. कमी खर्चात जास्त प्रवास देणारी ही एक सर्वोत्तम बाईक आहे.
2. TVS Star City Plus (टीव्हीएस स्टार सिटी प्लस) फीचर्स आणि स्टायलिश लूकच्या बाबतीत ही बाईक इतर पर्यायांपेक्षा उजवी ठरते. याची एक्स-शोरूम किंमत साधारण 72,200 रुपये आहे.
- इंजिन आणि मायलेज: यातही 109.7cc चे इंजिन असून ही बाईक सुमारे 83.09 किमी प्रति लिटर इतके दमदार मायलेज देते.
- खासियत: आरामदायी सीट आणि उत्तम सस्पेंशनमुळे ही बाईक लांबच्या प्रवासासाठीही अत्यंत सोयीस्कर मानली जाते.
3. TVS Radeon (टीव्हीएस रेडिऑन) बजेट सेगमेंटमध्ये टीव्हीएस रेडिऑन ही एक अत्यंत मजबूत आणि राकट बाईक मानली जाते. याची एक्स-शोरूम किंमत साधारण 55,400 रुपये आहे.
- खासियत: या बाईकला 10 लिटरची इंधन टाकी दिली आहे, ज्यामुळे एकदा फुल टँक केल्यावर ही बाईक सुमारे 800 किमी धावू शकते. याची मेटल बॉडी खराब रस्त्यांवर प्रवासासाठी अधिक सुरक्षितता देते.
- इंजिन आणि मायलेज: यात 109.7cc चे इंजिन असून ते प्रति लिटर 73.68 किमी इतके मायलेज देते.
