BJP’s manifesto for Pune : ठाकरे बंधूंनी काही दिवसांपूर्वी मुंबई महानगरपालिकेसाठी वचननामा जाहीर केला होता, त्यानंतर आता भारतीय जनता पक्षाने पुणे महापालिका निवडणुकीसाठी आपले संकल्पपत्र सादर केले आहे. पुणे शहरातील ‘विकसित पुण्यासाठी संकल्पपत्र’ हा जाहीरनामा एका पत्रकार परिषदेत प्रसिद्ध करण्यात आला. यावेळी केंद्रीय नागरी हवाई उड्डाण राज्यमंत्री मुरलीधर मोहोळ, उच्च व तंत्रशिक्षण मंत्री चंद्रकांत पाटील, तसेच पुणे शहरातील लोकप्रतिनिधी आणि पक्षाचे प्रमुख पदाधिकारी उपस्थित होते.
भाजप नेत्यांच्या मते, महाराष्ट्राच्या अर्थव्यवस्थेत पुण्याचा वाटा चार पटीने वाढवून २७० अब्ज डॉलरपर्यंत नेणे हा पक्षाचा ठाम उद्देश आहे. यासाठी मुख्यमंत्री देवेंद्र फडणवीस यांच्या मार्गदर्शनाखाली सन २०३० पर्यंतचा ‘कॅपिटल इन्व्हेस्टमेंट प्लॅन’ तयार केला गेला आहे. या योजनेंतर्गत पुण्यातील पायाभूत सुविधा, रस्ते, वाहतूक व्यवस्था, सार्वजनिक वाहतूक, जलसंधारण आणि शहर नियोजन या क्षेत्रात सुमारे ४४,००० कोटी रुपयांची गुंतवणूक करण्यात येणार आहे, असे संकल्पपत्रात नमूद केले आहे.
पत्रकार परिषदेत बोलताना भाजप नेत्यांनी सांगितले की, या संकल्पनांचा मुख्य उद्देश पुणे शहराचा सर्वांगीण विकास करणे, उद्योग, शिक्षण, आरोग्य, नागरी सुविधा आणि सार्वजनिक सेवांमध्ये सुधारणा आणणे हा आहे. तसेच त्यांनी स्पष्ट केले की, या संकल्पनांचा लाभ सर्व नागरिकांना समान स्वरूपात मिळावा, त्यासाठी पारदर्शक आणि परिणामकारक अंमलबजावणी करण्यावर भर देण्यात येईल.
भाजपच्या या संकल्पपत्राने पुणे महापालिका निवडणुकीच्या वातावरणात राजकीय चर्चा वाढवली असून, शहराच्या भविष्यातील विकासाच्या दृष्टिकोनातून याचे महत्त्व अधोरेखित होते. पक्षाने ठाम भूमिका घेतली आहे की, आर्थिक, सामाजिक आणि पर्यावरणीय दृष्ट्या टिकाऊ शहर उभारणी ही संकल्पनांचे केंद्रबिंदू राहील.
भाजपच्या संकल्पपत्रातील काही महत्त्वाच्या घोषणा…
१. पाचरी चौकात फुटपाथ कमी करणार.
२. महिलांना सवलतीच्या दरात मेट्रो व ‘पीएमपीएमएल’ बससेवा उपलब्ध करून देणार.
३. ७५ वर्षांवरील ज्येष्ठ नागरिकांना मोफत ‘पीएमपीएमएल’ प्रवास उपलब्ध करून देणार.
४. प्रामाणिक पुणेकर नागरिकांना ४० टक्के कर सवलत पुढील पाच वर्षे सुरू ठेवणार.
५. वय वर्षे ३० पुढील प्रत्येक पुणेकराची वार्षिक आरोग्य तपासणी मोफत करणार.
६. वारसा स्थळांभोवती असणाऱ्या बांधकामांचा प्रश्न सोडविणार.
७. मेट्रोसाठी शहरभर लास्ट माईल कनेक्टिव्हिटी तयार करणार.
८. नद्याने समाविष्ट गावांमधील रस्ते, पाणी, मलनिस्सारण इत्यादी सुविधांची पूर्तता होईपर्यंत याचना मिळकत करात सवलत देणार.
९. वस्ती भागात ३०० लोकसंख्येमागे एक सार्वजनिक स्वच्छतागृह देणार.
१०. पुणे शहरास ‘वर्ल्ड बुक कॅपिटल’ बनविण्यासाठी प्रयत्न करणार.
११. ‘भारत मंडपम’च्या धर्तीवर पुण्यात अत्याधुनिक कन्व्हेन्शन सेंटर उभारणार.
१२. पुण्यात ‘एम्स’ रुग्णालय आणण्यासाठी प्रयत्न करणार.
१३. खडकवासला ते खराडी या नव्या मेट्रो मार्गाचा विस्तार पुणे विमानतळापर्यंत करणार.
१४. पुणे–मुंबई द्रुतगती मार्गावर डेटा सेंटर विकसित करणार.
१५. शहरातील रस्त्यांचे आणि चौकांचे विद्युतीकरण करणारे अनधिकृत होर्डिंग, फ्लेक्स लावणाऱ्यांवर कडक कारवाई करणार.
१६. शहरातील सर्व फुटपाथ अतिक्रमणमुक्त करणार.
१७. पुणे विमानतळावर जगद्गुरु संत तुकाराम महाराजांचा पुण्यकृती पुतळा उभारणार.
१८. माण–म्हाळुंगे टाऊनशिप प्लॅनिंग योजनेचे काम गतीने पूर्ण करणार.
१९. अतिक्रमण आर्थिक दुर्बल घटकातील कुटुंबांना मालमत्ता कर माफ करणार.
२०. शहरातील १५ एकत्रित डीपी योजनांचे काम निश्चित कालमर्यादेत पूर्ण करणार.
२१. ‘विकसित पुणे’ हे लक्ष्य ठेवत ‘पुणे ग्रोथ हब’ची निर्मिती करणार.
२२. पुणे शहर व परिसरातील जांभूळवाडी, कात्रज, पाषाण आणि लोणीकाळभोर तलावांची स्वच्छता आणि सुशोभीकरण करून पुणे शहराला ‘लेक सिटी’ म्हणून विकसित करणार.
