Ganpati Reel Competition: महाराष्ट्र सरकारने गणेशोत्सवानिमित्त रील बनवण्याची एक अनोखी स्पर्धा जाहीर केली आहे, ज्यात विजेत्याला 1 लाख रुपयांपर्यंतचे रोख बक्षीस (cash prizes) मिळू शकते.
जर तुम्हाला रील्स बनवायला (Ganeshotsav 2025 Reel Competition) आवडत असेल, तर तुमच्यासाठी एक खास संधी आहे. सांस्कृतिक कार्यमंत्री ॲड. आशिष शेलार (Ashish Shelar) यांच्या पुढाकाराने ही स्पर्धा सांस्कृतिक कार्य विभाग आणि महाराष्ट्र चित्रपट, रंगमंच आणि सांस्कृतिक विकास महामंडळ यांच्या संयुक्त विद्यमाने आयोजित करण्यात आली आहे.
या स्पर्धेचा मुख्य उद्देश गणेशोत्सवाचा (Ganeshotsav 2025) उत्साह केवळ महाराष्ट्रापुरता मर्यादित न ठेवता, देशभरातील आणि परदेशातील लोकांपर्यंत पोहोचवणे हा आहे.
सहभाग घेण्यासाठी काय करावे?
- या स्पर्धेत सहभागी होण्याची प्रक्रिया खूप सोपी आहे.
- नोंदणी: इच्छुक कोणीही ऑनलाइन नोंदणी करू शकतो.
- रील्स अपलोड: तुम्ही तुमच्या रील्स 27 ऑगस्ट ते 7 सप्टेंबर या कालावधीत अपलोड करू शकता.
- कालावधी: तुमच्या रीलचा कालावधी 30 ते 60 सेकंदांदरम्यान असावा.
स्पर्धेचे विषय आणि श्रेणी
ही स्पर्धा सर्वांसाठी खुली आहे. यात महाराष्ट्रातील रहिवासी, महाराष्ट्राबाहेरील आणि परदेशी नागरिकही सहभागी होऊ शकतात. स्पर्धेसाठी काही विशेष विषय ठरवण्यात आले आहेत, ज्यात तुम्ही तुमच्या रील्स बनवू शकता:
- पर्यावरण संवर्धन
- स्वदेशी किंवा स्थानिक संस्कृती
- किल्ले आणि गड
- सांस्कृतिक पैलू
- ऑपरेशन सिंदूर अभियान
ही स्पर्धा तीन मुख्य श्रेणींमध्ये विभागली गेली आहे, ज्यामुळे प्रत्येक स्तरावरील कलाकाराला संधी मिळेल:
- महसूल विभाग स्तर (महाराष्ट्रातील)
- राज्य स्तर (संपूर्ण महाराष्ट्र)
- ओपन कॅटेगरी (महाराष्ट्राबाहेरील आणि परदेशी नागरिकांसाठी)
बक्षिसे (Prizes) – प्रत्येक श्रेणीसाठी वेगवेगळी बक्षिसे ठेवण्यात आली आहेत. बक्षीस रक्कम 5 हजार रुपयांपासून ते 1 लाख रुपयांपर्यं आहे.
नोंदणीसाठी तुम्ही filmcitymumbai.org या अधिकृत वेबसाइटला भेट देऊ शकता. तर, जर तुमच्याकडे चांगली कल्पना, कॅमेरा असलेला फोन आणि थोडी एडिटिंगची कौशल्ये असतील, तर ही स्पर्धा तुमच्यासाठी एक चांगली संधी आहे.
ताज्या बातम्यांसाठी येथे क्लिक करून नवाकाळचे WhatsApp Channel फॉलो करा
हे देखील वाचा –
1 सप्टेंबरपासून लागू होणार 5 मोठे बदल; तुमच्या बजेटवर थेट परिणाम होण्याची शक्यता
कामाच्या वेळेत बदल, ओव्हरटाइम वाढणार; महाराष्ट्र सरकारचा खासगी कर्मचाऱ्यांसाठी नवा प्रस्ताव
हृतिक रोशनने गर्लफ्रेंडला भाड्याने दिला मुंबईतील आलिशान फ्लॅट; किती आहे भाडे? जाणून घ्या
