Kurla Accident : कुर्ला परिसरातील कल्पना टॉकीजजवळ आज सकाळच्या सुमारास भीषण अपघात घडल्याची घटना समोर आली आहे. बृहन्मुंबई विद्युत पुरवठा व परिवहन उपक्रमाच्या (बेस्ट) एका बसच्या चालकाने मद्यप्राशन केल्यामुळे वाहनावरील नियंत्रण गमावले आणि भरधाव वेगाने येणारी बस चार कार व तीन दुचाकींवर आदळली. या अचानक घडलेल्या अपघातामुळे परिसरात एकच गोंधळ उडाला असून नागरिकांमध्ये भीतीचे वातावरण निर्माण झाले आहे.
प्राथमिक माहितीनुसार, या दुर्घटनेत किमान तीन जण गंभीर जखमी झाले असून त्यांना तातडीने जवळच्या रुग्णालयात उपचारासाठी दाखल करण्यात आले आहे. अपघाताची माहिती मिळताच पोलीस व वाहतूक विभागाचे अधिकारी घटनास्थळी दाखल झाले असून परिसरातील वाहतूक काही काळासाठी विस्कळीत झाली होती. या घटनेचा सखोल तपास सुरू असून दोषीवर कठोर कारवाई केली जाईल, असे पोलिसांकडून सांगण्यात आले आहे.
हे देखील वाचा – 200MP कॅमेरा आणि जबरदस्त फीचर्स; Realme 16 Pro सिरीजच्या विक्रीला सुरुवात, मिळतोय मोठा डिस्काउंट
