Ladki Bahin Yojana E-KYC : राज्यातील महिलांना दरमहा 1,500 रुपयांचा आर्थिक लाभ मिळवून देणाऱ्या ‘मुख्यमंत्री माझी लाडकी बहीण’ योजनेच्या (Mukhyamantri Majhi Ladki Bahin Yojana) लाभार्थींसाठी ई-केवायसी (E-KYC) प्रक्रिया पूर्ण करणे आवश्यक आहे. या योजनेत पारदर्शकता आणण्यासाठी सरकारने ही प्रक्रिया अनिवार्य केली असून, आतापर्यंत सुमारे 80 लाख महिलांनी आपली ई-केवायसी प्रक्रिया यशस्वीरीत्या पूर्ण केली आहे.
महिला आणि बाल कल्याण मंत्री आदिती तटकरे (Aditi Tatkare) यांनी दिलेल्या माहितीनुसार, ई-केवायसी प्रक्रिया पूर्ण करण्याची सध्याची अंतिम मुदत 18 नोव्हेंबर 2025 आहे.
Ladki Bahin Yojana E-KYC : मुदतवाढीची शक्यता आणि अडचणींवर सरकारी उपाय
18 नोव्हेंबर ही अंतिम मुदत जवळ येत असताना, अजूनही अनेक लाभार्थी तांत्रिक अडचणींमुळे प्रक्रिया पूर्ण करू शकलेले नाहीत. ओटीपी (OTP) न मिळणे, संकेतस्थळावरील तांत्रिक त्रुटी यासारख्या समस्यांमुळे प्रक्रिया थांबली आहे. त्यामुळे राज्य सरकार या अंतिम मुदतीत वाढ करण्याच्या विचारात आहे.
- निराधार महिलांसाठी विशेष सुविधा: ई-केवायसीमध्ये पती किंवा वडिलांचा आधार क्रमांक आवश्यक असल्याने, ज्या विधवा किंवा घटस्फोटीत महिलांना आधार देण्यासाठी कोणी नाही, त्यांच्यासाठी एक मोठी समस्या निर्माण झाली आहे. या अडचणी दूर करण्यासाठी लवकरच स्वतंत्र पडताळणी प्रक्रिया आणि पर्यायी सॉफ्टवेअर (Software) तयार केले जाईल.
- मंत्र्यांचे आश्वासन: मंत्री आदिती तटकरे यांनी स्पष्ट केले आहे की, 18 नोव्हेंबर नंतर उर्वरित लाभार्थ्यांसाठी नक्कीच सकारात्मक निर्णय घेतला जाईल, ज्यामुळे कोणीही पात्र महिला लाभापासून वंचित राहणार नाही. त्यामुळे सरकारकडून मुदतवाढ देण्याचा विचार केला जाऊ शकतो.
Ladki Bahin Yojana E-KYC : ई-केवायसी करण्याची संपूर्ण प्रक्रिया
लाभार्थी महिलांनी मुदतवाढीची वाट न पाहता https://ladakibahin.maharashtra.gov.in या अधिकृत संकेतस्थळावर त्वरित प्रक्रिया पूर्ण करावी.
संकेतस्थळ: अधिकृत संकेतस्थळाला भेट देऊन e-KYC बॅनरवर क्लिक करा.
आधार पडताळणी (पहिला टप्पा): तुमचा आधार क्रमांक आणि Captcha Code नमूद करून आधार-लिंक मोबाईलवर आलेला ओटीपी (OTP) टाकून Submit करा.
कुटुंब पडताळणी (दुसरा टप्पा): पती किंवा वडिलांचा आधार क्रमांक आणि Captcha Code नमूद करून त्यांच्या मोबाईलवर आलेला ओटीपी टाकून Submit करा.
प्रमाणपत्र (Declaration): जात प्रवर्ग निवडा आणि ‘शासकीय नोकरी/निवृत्तीवेतन नाही’ तसेच ‘कुटुंबातील केवळ 1 विवाहित व 1 अविवाहित महिला योजनेचा लाभ घेत आहे’ या बाबी प्रमाणित करून Submit करा.
निष्कर्ष: प्रक्रिया यशस्वी झाल्यास “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.
हे देखील वाचा – Tejas Jet Engines : संरक्षण क्षेत्रात महत्त्वाचा करार! HAL ला तेजस विमानांसाठी अमेरिकेकडून मिळणार खास जेट इंजिन
