Municipal Election : नागपूर महानगरपालिका निवडणुकीत उमेदवारी अर्ज मागे घेण्याच्या अखेरच्या दिवशी नागपूरमध्ये मोठे नाराजी नाट्य पाहायला मिळाले आहे. प्रभाग क्रमांक १३ ड मधील उमेदवार किसन गावंडे यांना अर्ज मागे घेऊ नये, यासाठी त्यांच्या कार्यकर्त्यांनी आणि समर्थकांनी थेट त्यांना घरातच बंद करून ठेवले.
या घटनेमुळे नागपूरच्या राजकीय वर्तुळात मोठी खळबळ उडाली आहे. उमेदवार किसन गावंडे यांचा असा प्रकार प्रथमच समोर आला असल्यामुळे निवडणूक प्रक्रियेवर प्रश्नचिन्ह निर्माण झाले आहे. निवडणूक उलथापालथीच्या टप्प्यावर उमेदवारांना घरातच रोखणे ही अत्यंत नाट्यमय आणि असामान्य घटना आहे. यामुळे प्रभाग क्रमांक १३ ड मधील निवडणूक रणनितीत अनपेक्षित बदल होऊ शकतात.
नागपूर महानगरपालिका निवडणुकीत प्रभाग क्रमांक १३ ड मधील उमेदवार किसन गावंडे यांच्या समर्थकांनी आज धक्कादायक निर्णय घेतला आहे. पक्षाकडून अर्ज मागे घेण्याचा दबाव वाढताच, गावंडे यांच्या समर्थकांमध्ये तीव्र नाराजी पसरली होती. राजकीय वर्तुळात ही घटना मोठ्या चर्चेचा विषय ठरत आहे. यामुळे प्रभागातील निवडणुकीची रणनिती आणि स्थानिक राजकीय समीकरणांवर अनपेक्षित परिणाम होऊ शकतात.
गावंडे यांच्याकडून उमेदवारी अर्ज मागे घेण्यासाठी जाऊ द्यावे, अशी विनंती सातत्याने केली जात होती. मात्र, गावंडे यांच्या समर्थक आणि कार्यकर्ते या विनंतीला ऐकण्याच्या मनस्थितीत नव्हते. जवळपास अडीच तास हा नाट्यमय प्रकार सुरू राहिला, दरम्यान गावंडे घराबाहेर येऊ शकले नाहीत.
दरम्यान, बाहेरच्यांना दिलेल्या उमेदवारीवरून पक्षात मोठा गोंधळ निर्माण झाला आहे. १५१ जागांसाठी तब्बल १८०० कार्यकर्त्यांनी उमेदवारीसाठी अर्ज मागितले होते. भाजपकडून उमेदवारांची नावे आधीच जाहीर केली असती, तर मोठा गोंधळ उडण्याची शक्यता होती. या परिस्थितीचा विचार करून भाजपने याची खबरदारी आधीच घेतली होती.
उमेदवारी अर्ज दाखल करण्याची मुदत संपल्यानंतर भाजपने अधिकृत उमेदवारांची नावे जाहीर केली. सर्वाधिक चुरस आणि प्रबळ दावेदार असलेल्या प्रभागांमध्ये काहींना एबी फॉर्म दिला गेला होता. मात्र, आधी अर्ज भरलेल्या उमेदवाराचा फॉर्म मान्य करण्यात आला, तर दुसऱ्या उमेदवाराचा एबी फॉर्म रद्द केला गेला आहे.
केंद्रीय मंत्री नितीन गडकरी यांचे वास्तव्य असलेल्या प्रभागात श्रीकांत आगलावे आणि सुबोध आचार्य यांना तर महाल परिसरातून बंडू राऊत आणि धीरज चव्हाण यांना एबी फॉर्म देण्यात आला. यापैकी आगलावे आणि राऊत यांचा अर्ज स्वीकृत झाला आहे.
मागील निवडणुकीत याच जागांवर भाजपात मोठा असंतोष उसळला होता. आगलावे आणि आचार्य यांचे कार्यकर्ते एकमेकांशी यावरून भिडले होते. मोठा राडा होण्याची शक्यता निर्माण झाली होती, ज्यामुळे गडकरी यांनी दोघांचेही तिकीट कट केले होते. मात्र, यावेळी भाजपने पुन्हा दोघांना एबी फॉर्म देऊन वाद अधिकच वाढवला आहे.
भाजप नेत्यांमधील या भांडणामुळे बंडू राऊत यांचा धक्कादायक पराभव झाला होता. धीरज चव्हाण यांना तिकीट देण्याचे भाजपने ठरवले होते, मात्र बंडू राऊत यांनी हट्ट दाखवून तिकीट जिंकले. आता निवडणुकीत भाजपचे अपक्ष ठरलेल्या उमेदवार माघार घेतात की बंडाचा झेंडा फडकवतात, याकडे सर्वांचे लक्ष लागले आहे.
