Nanded Crime news : नांदेड शहरात प्रेमप्रकरणातून एका मुलीच्या कुटुंबीयांनी तिच्याच प्रियकराची खून करून हत्या केली आहे. सक्षम ताटे असं या हत्या झालेल्या तरुणाचं नाव आहे. या तरुणाला मुलीचे वडील आणि भावाने पाठलाग करुन ठार (Nanded Murder) मारले. सक्षमवर ३ गोळ्या झाडण्यात आल्या होत्या. यानंतर त्याच्या डोक्यात फरशी घालून त्याची निर्घृणपणे हत्या करण्यात आली.
सक्षम ताटे याचे त्याच्या मित्राची बहीण आंचल मामीलवाड हिच्यासोबत प्रेमप्रकरण होते. याची कुणकुण लागल्यानंतर आंचलच्या वडिलांनी सक्षमला आपल्या मुलीपासून दूर राहण्याची ताकित दिली. मात्र, त्यानंतरही या दोघांचे प्रेमप्रकरण सुरुच होते. त्यानंतर आंचलचे वडील आणि भावाने सक्षमची निघृणपणे हत्या केली होती. संध्याकाळी ५ वाजून २० वाजण्याच्या सुमारास सक्षम ताटे याला मुलीच्या वडिलांना भेटायला बोलावलं होत. याठिकाणी आल्यानंतर गजानन मामीलवाड, साहिल मामीलवाड आणि अन्य तिघांनी मारहाण करुन त्याचा खून केला.
या घटनेनंतर सक्षम ताटे या तरुणावर अंत्यसंस्कार करण्यात आले होते. त्यावेळी त्याची प्रेयसी आंचल मामीलवाड हिने एक अनपेक्षित कृत्य केलं. ती सक्षमच्या अंत्यसंस्कारासाठी त्याच्या घरी गेली असता; तिने सक्षमच्या मृतदेहासमोर लग्नाचे काही विधी केले. तसेच तिने सगळ्यांदेखत कपाळावर सक्षमच्या नावाचे कुंकू आपल्या कपाळावर लावले. सक्षमचा मृतदेह घरी आणताच तिने टाहो फोडला. अंत्यविधीपूर्वी तिने हळद आणि कुंकू लावून घेतलं आणि कपाळावर कुंकू भरले. त्यानंतर सक्षमला देखील हळद लावण्यात आली. हा प्रसंग मन सुन्न करणारा होता.
सक्षम आणि आंचल याचे गेल्या तीन वर्षांपासून प्रेमसंबंध सुरू होते. मात्र, सक्षम वेगळ्या जातीचा असल्याने हे प्रेमसंबंध आंचलच्या घरच्यांना कधीच मान्य नव्हते. सक्षम ताटे जेलमधून सुटून आल्यानंतर माझ्या कुटुंबातील लोक त्याच्या खूनाचा कट रचत होते, असे स्वतः आंचलने सांगितले. आमच्या प्रेमसंबंधाला विरोध असल्याने माझ्या वडिलांनी आणि भावाने सक्षमला मारले पण ते हरले आणि माझा सक्षम मरून पण जिंकला. आपल्या वडिलांना आणि भावाला फाशीची शिक्षा व्हावी, अशी मागणी देखील आंचलने केली आहे.
हे देखील वाचा – Western Railway : पश्चिम रेल्वेचा खोळंबा; प्रवाशांचे मात्र हाल
