Mango Price Drop | पुण्यातील मार्केट यार्डात (Pune Market Yard) यंदा हापूस आंब्याची (Alphonso Mango) मोठी आवक झाली आहे. परिणामी, ग्राहकांना कमी दरात आंबा मिळू लागला असला तरी, कोकणातील शेतकऱ्यांसाठी (Konkan Farmers) ही भरमसाठ आवक डोकेदुखी ठरत आहे.
मागणीपेक्षा पुरवठा जास्त झाल्याने आंब्याच्या दरात (Mango Price Drop) मोठी घसरण झाली आहे.
रत्नागिरी, देवगड, मालवण आणि वेंगुर्ला भागातून मोठ्या प्रमाणात आंबा पुण्यात दाखल झाला आहे. मात्र, यावर्षीच्या हवामानातील अस्थिरतेमुळे उबदार हिवाळा, वादळी वारे व अवकाळी पाऊस याचा उत्पादनावर प्रतिकूल परिणाम झाला असून, फळांच्या गोडी आणि सुगंधावर परिणाम झाला आहे.
शेतकऱ्यांना तोटा – उत्पादन खर्च निघणे कठीण
पुणे कृषी उत्पन्न बाजार समितीनुसार (APMC Pune), १४ एप्रिल रोजी सुमारे ६,५०० पेट्यांची नोंद झाली. मागील वर्षीच्या तुलनेत यंदा दरात सुमारे ३०% घट झाली आहे. ४ ते ८ डझन आंब्याच्या पेटीची किंमत सध्या १८०० ते ४८०० रुपयांदरम्यान आहे, तर किरकोळ बाजारात डझन आंबे फक्त ३०० ते ५०० रुपयांमध्ये मिळत आहेत.
कृत्रिम पद्धतीचा वापर – ग्राहकांवर परिणाम
मोठ्या स्पर्धेमुळे काही व्यापारी कॅल्शियम कार्बाइडसारख्या रसायनांचा वापर करून आंबे कृत्रिमरीत्या पिकवत आहेत. यामुळे फळांचा नैसर्गिक स्वाद आणि सुगंध कमी होतो असून, ग्राहकांची फसवणूक होते आहे.
निर्यातीतून दिलासा मिळण्याची शक्यता
दरातील या घसरणीच्या पार्श्वभूमीवर काही व्यापाऱ्यांना बांगलादेश, मलेशिया आणि युएईमधून निर्यातीसाठी (Mango Export)ऑर्डर मिळू लागल्या आहेत. त्यामुळे उच्च दर्जाच्या हापूस आंब्याला चांगला दर मिळण्याची शक्यता असून, येत्या काही आठवड्यांत बाजार स्थिर होण्याचा अंदाज वर्तवला जात आहे.
