Santosh Deshmukh Murder Case : संपूर्ण महाराष्ट्राचा थरकाप उडवणाऱ्या आणि मरणालाही हादरवणाऱ्या अशा मस्सजोगचे सरपंच संतोष देशमुख यांच्या हत्याकांडाला आज एक वर्ष पूर्ण झाले. ९ डिसेंबर २०२४ चा दिव स होता तो ज्या दिवशी सरपंच संतोष देशमुख यांची निर्घृणपणे हत्या करण्यात आली. या हत्येने अवघा महाराष्ट्र पेटून उठला. याप्रकरणी धनंजय मुंडे यांचे निकटवर्तीय वाल्मिक कराड यांचं नाव पुढे आल होत. आणि वाल्मिक कराड सोबतच अजून ७ आरोपींना या प्रकरणात अटक करण्यात आली आहे. दरम्यान, देशमुख कुटुंबाचा आणि मस्साजोग ग्रामस्थांचा न्यायाचा लढा अजूनही संपलेला नाही. या प्रकरणातील क्रूरकर्मींना शिक्षा झाली पाहिजे, हा आमचा एकमेव उद्देश असल्याचे दिवंगत सरपंच संतोष देशमुख यांचे बंधू धनंजय देशमुख (Dhananjay Deshmukh) यांनी सांगितले. पुढे टेड म्हणतात जोपर्यंत या नराधमांना फाशीची शिक्षा होत नाही, तोपर्यंत सरपंचांना न्याय मिळणार नाही, अशी प्रतिक्रिया बंधु धनंजय देशमुख यांनी दिली आहे.
9 डिसेंबर रोजी सरपंच संतोष देशमुख यांचे अपहरण करून त्यांची निर्घृणपणे हत्या करण्यात आली. त्यानंतर आरोपींच्या अटकेसाठी राज्यभरात मोर्चे, आंदोलने सुरु झाली. याप्रकरणात एकूण आठ आरोपींचा समावेश होता, ज्यामध्ये आजून पर्यंत सात जणांना अटक करण्यात आली आहे. यामध्ये वाल्मीक कराड, विष्णू चाटे, सुदर्शन घुले, प्रतिक घुले, जयराम चाटे, सुधीर सांगळे अशी अटकेत असलेल्यांची नावे आहेत, तर कृष्णा आंधळे हा अद्यापही फरार आहे.
सरपंच संतोष देशमुख यांच्या पुण्यतिथीनिमित्त आज मस्सजोगमध्ये कीर्तन कार्यक्रमाचे आयोजन देखील करण्यात आले आहे. दिवसभरात जिल्ह्यातील अनेक नेते मस्साजोग ला भेट देणार असल्याची माहिती आहे.
आज माध्यमांशी बोलताना संतोष देशमुख यांचे भाऊ धनंजय देशमुख यांना अश्रु अनावर झाले आहेत. जोपर्यंत सगळ्या आरोपींना फाशीची शिक्षा मिळत नाही तोपर्यंत लढत राहणार आहे, असा निर्धारही त्यांनी व्यक्त केला.
वडिलांच्या हत्येला १ वर्ष झाले तरी आजही आम्ही न्यायाची वाट पाहत आहोत. सर्व पुरावे आहेत तरीही या खटल्यात उशिर का होतोय ? हे मला समजत नाही. आमची सरकारला एकच विनंती आहे की लवकरात लवकर आम्हाला न्याय मिळवून द्यावा. समाजाने दिलेली साथ यामुळेच हा लढा आम्ही लढतो आहोत. आठवणींना कोणतीही परिसीमा नसते. मी त्यांचं डॉक्टर होण्याचं स्वप्न नक्की पूर्ण करिन मात्र ,ते माझ्यासोबत नसतील, याचं वाईट वाटतं. असं म्हणत वैभवी देशमुखलाही आपल्या वडिलांच्या आठवणीत अश्रु अनावर झाले.
हे देखील वाचा – Dhurandhar Movie : रणवीर सिंगच्या ‘धुरंधर’ चित्रपटाच्या प्रदर्शनावर बंदीची मागणी; कारण काय? वाचा
