Shiv Sena Thackeray Group 40 Star Campaigners List : आगामी महानगरपालिका निवडणुकांच्या पार्श्वभूमीवर ठाकरे गटाच्या शिवसेनेने आपल्या प्रचाराची रणनीती अधिक धारदार करत ४० जणांची स्टार प्रचारकांची अधिकृत यादी जाहीर केली आहे. या यादीत पक्षप्रमुख उद्धव ठाकरे आणि युवानेते आदित्य ठाकरे यांच्यासह पक्षातील प्रमुख नेते, संसदपटू, आमदार आणि प्रभावी वक्त्यांचा समावेश करण्यात आला असून, निवडणूक रणधुमाळीत पक्षाची भूमिका प्रभावीपणे मांडण्याची जबाबदारी या नेत्यांवर सोपवण्यात आली आहे.
या स्टार प्रचारकांच्या यादीत खासदार संजय राऊत, अरविंद सावंत, अनिल परब, भास्कर जाधव, सुषमा अंधारे, वरुण सरदेसाई, विधानपरिषद विरोधी पक्षनेते अंबादास दानवे, अनिल देसाई, विनायक राऊत, आनंद दुबे, आदेश बांदेकर यांच्यासह अनेक अनुभवी आणि तरुण नेतृत्वाचा समावेश आहे. हे सर्व नेते राज्यातील विविध महानगरपालिका क्षेत्रांमध्ये प्रचार सभा, रोड शो आणि कार्यकर्ता संवादाच्या माध्यमातून मतदारांशी थेट संवाद साधणार आहेत.
दरम्यान, राज्यातील २९ महानगरपालिकांसाठी १५ जानेवारी रोजी मतदान होणार असून १६ जानेवारीला निकाल जाहीर होणार आहेत. या पार्श्वभूमीवर ठाकरे गटाकडून प्रचार यंत्रणा पूर्ण ताकदीने मैदानात उतरवण्यात आली असून, स्टार प्रचारकांची ही यादी पक्षाची दिशा, धोरणे आणि स्थानिक मुद्दे जनतेपर्यंत प्रभावीपणे पोहोचवण्याच्या दृष्टीने महत्त्वाची मानली जात आहे.
ठाकरेंच्या शिवसेनेकडून 40 जणांची स्टार प्रचारकांची यादी- (Shiv Sena Thackeray Group 40 Star Campaigners List)
१. उद्धव ठाकरे
२. आदित्य ठाकरे
३. संजय राऊत
४. आदेश बांदेकर
५. शुभाष देसाई
६. अनंत गीते
७. चंद्रकांत खैरे
८. अरविंद सावंत
९. भास्कर जाधव
१०. अनिल देसाई
११. विनायक राऊत
१२. अनिल परब
१३. राजन विचारे
१४. सुनील प्रभू
१५. वरुण सरदेसाई
१६. अंबादास दानवे
१७. रवींद्र मिरलेकर
१८. नितीन पाटील
१९. राजकुमार बाफना
२०. प्रियांका चतुर्वेदी
२१. सचिन अहिर
२२. लक्ष्मण वाढले
२३. मनोज जामसुतकर
२४. नितीन देशमुख
२५. सुषमा अंधारे
२६. संजय जाधव
२७. ज्योती ठाकरे
२८. जयश्री शेळके
२९. जान्ह्वी सावंत
३०. शरद कोळी
३१. ओमराजे निंबाळकर
३२. सुनील शिंदे
३३. हारुन खान
३४. सिद्धार्थ खरात
३५. वैभव नाईक
३६. आनंद दुबे
३७. अशोक तिवारी
३८. राम साळगावकर
३९. प्रियांका जोशी
४०. अनिश गाढवे
उद्धव ठाकरे अन् राज ठाकरेंची आज संयुक्त सभा- (Raj Thackeray-Uddhav Thackeray)
शिवसेना (उद्धव बाळासाहेब ठाकरे गट) प्रमुख उद्धव ठाकरे आणि महाराष्ट्र नवनिर्माण सेनेचे अध्यक्ष राज ठाकरे यांची पहिली संयुक्त सभा आज विक्रोळी येथे पार पडणार आहे. पूर्व उपनगरात होत असलेली ही सभा आगामी निवडणूक रणधुमाळीतील निर्णायक टप्प्याची सुरुवात मानली जात असून, ठाकरे बंधूंच्या एकत्र येण्यामुळे राजकीय वातावरण तापण्याची शक्यता आहे.
सूत्रांनी दिलेल्या माहितीनुसार, येत्या काळात उद्धव ठाकरे आणि राज ठाकरे यांच्या सात ते आठ संयुक्त सभा मुंबईतील विविध भागांत आयोजित करण्यात येणार आहेत. त्यातील पहिली सभा विक्रोळी येथे होत असून, पुढील सभा मध्य व पश्चिम उपनगरांमध्ये होण्याची दाट शक्यता वर्तवली जात आहे. या सभांच्या माध्यमातून दोन्ही पक्ष मुंबईतील स्थानिक प्रश्न, मराठी अस्मिता, नागरी सुविधा आणि प्रशासनातील पारदर्शकतेवर आपली भूमिका ठामपणे मांडणार आहेत.
या प्रचार मोहिमेतील आणखी एक महत्त्वाचा भाग म्हणजे, शिवसेना आणि मनसेच्या शाखांना उद्धव ठाकरे आणि राज ठाकरे हे एकत्रितपणे भेटी देणार आहेत. कार्यकर्त्यांशी थेट संवाद साधत संघटनात्मक बळकटी, निवडणूक रणनीती आणि स्थानिक प्रश्नांवर चर्चा करण्यावर भर दिला जाणार आहे. त्यामुळे तळागाळातील कार्यकर्त्यांमध्ये नवचैतन्य निर्माण होण्याची शक्यता व्यक्त केली जात आहे.
दरम्यान, युवा नेतृत्वही प्रचार मैदानात सक्रिय झाले असून, अमित ठाकरे आणि आदित्य ठाकरे मुंबईत दोन संयुक्त सभा घेणार आहेत. तरुण मतदारांना आकर्षित करण्यासाठी विकास, शिक्षण, रोजगार आणि शहराच्या भविष्यासंदर्भातील मुद्दे या सभांमध्ये केंद्रस्थानी असतील.
एकूणच, ठाकरे बंधूंच्या संयुक्त सभांमुळे मुंबईच्या राजकारणात नवे समीकरण आकाराला येत असल्याचे चित्र असून, आजची विक्रोळीतील सभा ही केवळ प्रचारसभा न राहता, आगामी महापालिका निवडणुकीच्या दृष्टीने दिशा ठरवणारा राजकीय संकेत ठरण्याची शक्यता आहे.
हे देखील वाचा – Honda SP125: गाव असो वा शहर! होंडाची ‘ही’ दमदार बाईक देतेय 65 किमीचा मायलेज; जाणून घ्या किंमत आणि फीचर्स
