Solapur News : महापालिका निवडणुकांची रणधुमाळी जोरात सुरू असून जागावाटप आणि उमेदवारांच्या याद्या जाहीर करण्याचे काम आता अंतिम टप्प्यात आले आहे. काँग्रेस पक्षाने या प्रक्रियेत आघाडी घेतली असून, सोलापूर आणि कोल्हापूरसह काही शहरांमध्ये उमेदवारांची यादी जाहीर केली आहे.
कोल्हापूरसाठी काँग्रेसने ४८ तर सोलापूरसाठी २० उमेदवारांची पहिली यादी जाहीर केली होती. मात्र सोलापूरमध्ये काँग्रेससाठी मोठा धक्का बसला आहे. जाहीर केलेल्या यादीतील एका उमेदवाराने थेट एमआयएम पक्षात प्रवेश केला. या घटनेमुळे काँग्रेसच्या इतर उमेदवारांचे मनोबल प्रभावित झाले असून, इच्छुक उमेदवारांच्या मुलाखतीदरम्यान अपमानास्पद वागणूक दिल्याचे फिरदोस पटेल यांनी स्पष्ट केले आहे.
सोलापुरातील प्रभाग क्र. १६ मधील काँग्रेसच्या अधिकृत उमेदवार माजी नगरसेविका फिरदोस पटेल यांनी आज एमआयएम पक्षात प्रवेश केला. हा प्रवेश एमआयएमचे प्रदेश कार्याध्यक्ष फारुख शाब्दि आणि निरीक्षक अन्वर सादात यांच्या उपस्थितीत पार पडला. फिरदोस पटेल ह्या काँग्रेस खासदार प्रणिती शिंदे यांचे निकटवर्तीय मानल्या जातात. २०१७ मध्ये त्या सोलापूर महापालिकेत काँग्रेसच्या तिकिटावर निवडून आल्या होत्या. दरम्यान, सोलापुरात काँग्रेसकडून २० उमेदवारांची पहिली यादी जाहीर करण्यात आली आहे. या घटनेमुळे पक्षातील राजकीय वातावरणात काही बदल दिसून येत आहेत.
सोलापुरातील प्रभाग क्र. १६ मधील काँग्रेसच्या उमेदवार फिरदोस पटेल यांनी काँग्रेसला सोडून एमआयएम पक्षात प्रवेश केला आहे. त्यांच्या या निर्णयामागे अशी माहिती आहे की, काँग्रेसने इच्छुक उमेदवारांच्या मुलाखतीदरम्यान त्यांच्याशी अपमानास्पद वागणूक केली, असे त्यांनी स्पष्ट केले.
फिरदोस पटेल ह्या एमआयएमचे शहर जिल्हाध्यक्ष शौकत पठाण यांच्या नातेवाईक असल्याची माहिती आहे. त्यांच्या मध्यस्तीनेच फिरदोस पटेल यांनी एमआयएममध्ये प्रवेश केला, असे समजते.
विशेष म्हणजे, त्या काँग्रेस खासदार प्रणिती शिंदे यांचे निकटवर्ती मानल्या जात असल्यामुळे काँग्रेसने त्यांना पहिल्या यादीत संधी दिली होती. मात्र, उमेदवारी जाहीर झाल्याच्या फक्त दोन दिवसांतच त्यांनी एमआयएममध्ये प्रवेश घेतल्याने अनेकांना आश्चर्य व्यक्त होत आहे.
सोलापुर महापालिकेसाठी महाविकास आघाडीतील (MVA) काँग्रेस, ठाकरे गट, शरद पवार गट आणि माकप ह्या सर्व पक्षांच्या नेत्यांनी एकत्र येऊन महापालिकेतील जागावाटपाबाबत अधिकृत घोषणा केली आहे. या घोषणेप्रमाणे, सोलापुरमध्ये भाजप-शिवसेना युती विरुद्ध महाविकास आघाडी असा सामना रंगणार आहे.
सोलापुर महापालिकेच्या एकूण १०२ जागांसाठी जागावाटपाचे सूत्र निश्चित झाले असून काँग्रेस ४५ जागांसह सर्वाधिक जागा मिळवणारा पक्ष ठरला आहे.
जागावाटपाचे स्वरूप पुढीलप्रमाणे ठरले आहे:
काँग्रेस – ४५ जागा
शिवसेना (उद्धव ठाकरे गट) – ३० जागा
राष्ट्रवादी (शरद पवार गट) – २० जागा
माकप – ७ जागा
शिवसेना शहर प्रमुख अजय दासरी यांनी हे तपशील प्रसिद्ध केले. तसेच, ४ तारखेला सोलापुरमध्ये महापालिका निवडणुक प्रचाराचा नारळ फोडण्याचा कार्यक्रम पार पडणार आहे.
