बंगालच्या उपसागरात चक्रीवादळ महाराष्ट्रात मुसळधार पाऊस पडणार

मुंबई
बंगालच्या उपसागरावर हवेच्या कमी दाबाचे क्षेत्र निर्माण होणार आहे. त्यामुळे २९ जुलै रोजी त्याचे रूपांतर चक्रीय वादळात होणार आहे. ते चक्रीवादळ ओडिशा किनारपट्टीकडून पश्चिम बंगालच्या दिशेने पुढे सरकणार आहे. त्यामुळे महाराष्ट्रासह मध्य भारतात पुढील ४ ते ५ दिवस पाऊस वाढण्याचा अंदाज हवामान विभागाने वर्तवला आहे. या हंगामात हवामान विभागाने प्रथमच मराठवाड्यात मुसळधार पाऊस पडणार असल्याचा इशारा दिला आहे. पुणे हवामान विभागाचे प्रमुख कृष्णानंद होसाळीकर यांनी सांगितले की, राज्यात पुढील चार-पाच दिवस मान्सून सक्रिय राहील. रत्नागिरी, रायगड, पुणे पालघरमध्ये उद्यापासून तीन दिवस ऑरेंज अलर्ट देण्यात आला आहे. मुंबईसह उपनगर, ठाणे, नागपूर, अमरावतीसह मराठवाडा आणि विदर्भातील काही जिल्ह्यांना पुढील यलो अलर्ट देण्यात आला आहे. जळगाव जिल्ह्याला उद्या आणि बुधवारी पावसाचा येलो अलर्ट जारी करण्यात आला आहे.

Leave a Comment

Your email address will not be published. Required fields are marked *

Scroll to Top