चेन्नई
आर्थिक अडचणीत सापडलेल्या एडटेक कंपनी बायजूने सुमारे ५०० कर्मचाऱ्यांना कामावरून काढले. यात विक्री आणि विपणन विभागातील कर्मचाऱ्यांचा समावेश आहे. बायजूने फोन कॉल्सवर कपात सुरू केली असून कर्मचाऱ्यांना परफॉर्मन्स इम्प्रूव्हमेंट प्लॅन (पीआयपी) वर न ठेवता त्यांना कंपनी सोडण्यास सांगितले आहे. कंपनी नोटीस कालावधीत कर्मचाऱ्यांना काम करण्यास सांगत नाही, असा दावा अहवालात करण्यात आला आहे.
बायजूच्या कर्मचारी कपातीच्या या नवीन फेरीत प्रभावित कर्मचाऱ्यांची संख्या १०० ते ५०० च्या दरम्यान असल्याचे सांगितले जाते. या नोकरकपातीमुळे कंपनीच्या विक्री विभागाला सर्वाधिक फटका बसण्याची शक्यता आहे. नोकरकपातीच्या वृत्तावर कंपनीने अद्याप कोणतीही प्रतिक्रिया दिलेली नाही. गेल्या दोन वर्षांत बायजूने किमान १० हजार कर्मचाऱ्यांना कामावरून काढले आहे. कंपनीचे कमी होत चाललेले भांडवल आणि गुंतवणूकदार आणि भागधारकांसोबत कायदेशीर भांडणांना सामोरे जात आहे. सध्या, बायजूच्या भारतीय युनिटमध्ये सुमारे १४ हजार कर्मचारी वेतनावर आहेत.
