लखनऊ – उत्तर प्रदेशातील रामपूर येथील न्यायालयाने काल मंगळवारी माजी खासदार आणि अभिनेत्री जया प्रदा यांना निवडणूक आचारसंहिता उल्लंघनाच्या दोन प्रकरणांमध्ये फरार घोषित केले आणि पोलिसांना तिला अटक करून ६ मार्च रोजी तिच्यासमोर हजर करण्याचे निर्देश दिले.
वरिष्ठ अभियोग अधिकारी अमरनाथ तिवारी यांनी सांगितले की, रामपूरच्या माजी खासदाराविरुद्ध केमारी आणि स्वार पोलीस ठाण्यात २०१९ लोकसभा निवडणुकीदरम्यान आदर्श आचारसंहितेचे उल्लंघन केल्याप्रकरणी दोन गुन्हे दाखल करण्यात आले होते. त्या २००९ च्या निवडणुकीत रामपूरमधून भाजपच्या उमेदवार होत्या आणि समाजवादी पक्षाच्या आझम खान यांनी त्यांचा पराभव केला होता.या निवडणुकीत जया प्रदा यांच्यावर आचारसंहिता भंग केल्याचे दोन गुन्हे दाखल केले होते.याप्रकरणी त्यांना वारंवार समन्स बजावले होते.त्यानंतर त्यांच्याविरुद्ध सात वेळा अजामीनपात्र वॉरंट बजावण्यात आले, मात्र पोलिसांना तिला न्यायालयात हजर करता आले नाही.त्यांनी त्यांचे सर्व ज्ञात मोबाईल क्रमांक बंद केले होते.त्यामुळे न्यायालयाने त्यांच्यावर ही कायदेशीर कारवाई करण्याचे आदेश दिले आहेत. दरम्यान,जया प्रदा या २००४ आणि २००९ मध्ये समाजवादी पक्षाच्या तिकीटावर रामपूरमधून लोकसभेवर निवडून आल्या होत्या.त्यानंतर समाजवादी पक्षाने त्यांची हकालपट्टी केली होती.