पणजी – उत्तर गोवा जिल्ह्यातील सत्तरी तालुक्यातील सालेली सत्तरी येथील श्री सातेरी केळबाई, म्हाळसाई, ब्राह्मणी, जोगेश्वरी, पंजन्मय,घडवंश, कुणबीवंश व सहकुटुंब देवता प्रतिष्ठापना व कलशारोहण सोहळा बुधवार १ मे पासून सुरू होणार असून तो ३ मे पर्यंत चालणार आहे.

या तीन दिवसांत देवस्थान समितीने विविध, धार्मिक आणि सांस्कृतिक कार्यक्रमांचे आयोजन केले आहे.यामध्ये दररोज देवता पूजन, प्राणप्रतिष्ठापना, पूर्णाहुती, आरती आणि इतर धार्मिक विधी होणार आहेत. १ मे रोजी मान्यवरांच्या हस्ते नवीन मंचाचे उद्‌घाटन व सन्मान सोहळा आणि रात्री ८ वाजता कीर्तनाचा कार्यक्रम होईल.दुसर्‍या दिवशी गोमंतकातील नामवंत कलाकारांचे भजन आणि समारोपाच्यादिवशी देवता पूजन,देवदेवतांची प्रतिष्ठापना,महापूजा, पूर्णाहुती,अभिषेक, महाआरती,महाप्रसाद, आशिर्वाद, समराधना, मान्यवरांच्या हस्ते सत्कार सोहळा आणि गोमंतकातील कलाकारांचा संगीत रजनी कार्यक्रम होणार आहे.