Nashik Tapovan to Be Felled for Centre – नाशिकमध्ये कुंभमेळ्यानिमित्त साधुग्रामच्या नावाखाली कंत्राटदारांसाठी तपोवनातील झाडांची कत्तल करण्यात येणार आहे. प्रत्यक्षात तपोवन परिसरात पुढे विविध बांधकाम प्रकल्पांची उभारणी करण्याची तयारी सुरू आहे, असा गंभीर आरोप उबाठा प्रमुख उद्धव ठाकरे यांनी आज पत्रकार परिषदेत केला.
उद्धव ठाकरे म्हणाले की, पुढील वर्षी नाशिकमध्ये कुंभमेळा होत आहे. कुंभमेळा व्हायला पाहिजे. कारण ही परंपरा अनेक शतकांपासून सुरू आहे आणि लाखो साधुसंत व भाविकांची सोय करणे हे शासनाचे कर्तव्य आहे. पण गेल्या वेळेस प्रयागराजमध्ये घडलेल्या दुर्घटनेची पुनरावृत्ती होऊ नये याची काळजी घ्यायला हवी.
पण आजपर्यंत नाशिकचा पालकमंत्री नेमण्यात आलेला नाही. या कोड्याचे उत्तर कुंभमेळ्याच्या खर्चात आहे का? याचा शोध घ्यावा लागेल. साधुग्राम कुठे होणार हे मागील कुंभमेळ्याच्या अनुभवावरून सहज शोधता येते. पण यंदा साधुग्राम तपोवनात करण्याचा निर्णय घेतला आहे. आमचा साधुग्रामला विरोध नसून तपोवनातील वृक्षतोडीला आहे.
कुंभमेळ्याचे कारण देऊन झाडे तोडली जात आहेत, पण माझ्याकडे असलेल्या निविदेच्या प्रतीनुसार तिथे पुढे कॉन्फरन्स हॉल, कन्व्हेन्शन सेंटर इत्यादी बांधकामे करण्याची योजना आहे. म्हणजे हे सर्व कंत्राटदाराच्या फायद्यासाठी आहे आणि विरोध थांबवण्यासाठी कुंभमेळ्याचे कारण पुढे केले आहे.
हिंदुत्वाच्या नावाखाली कॉन्ट्रॅक्टरांचे रक्षण हेच भाजपाचे आजचे हिंदुत्व आहे. उबाठा खासदार सभागृहात वंदे मातरम म्हणणारचसभागृहाचा शिष्टाचार आणि कामकाजाचे गांभीर्य लक्षात घेता संसद सदस्यांनी धन्यवाद, जय हिंद, वंदे मातरम किंवा इतर कोणत्याही घोषणा देऊ नयेत, असे निर्देश संसद सचिवालयाने पत्रक काढून जारी केले आहेत.
यावर उद्धव ठाकरे यांनी तीव्र आक्षेप घेत म्हटले की, आमचे खासदार सभागृहात वंदे मातरम म्हणणारच. ‘इस देश में रहेना होगा-तो वंदे मातरम कहेना होगा’ असे भाजपा म्हणायचे. मग आता भाजपाला काय झाले आहे? सभागृहात वंदे मातरम म्हणायचे नाही, असा नियम काढला आहे. हे कसले राष्ट्रप्रेम? मॅकॉलेची अवलाद भाजपामध्ये कुठून आली?
आमचे खासदार हे लोकसभेच्या आणि राज्यसभेच्या सभागृहात वंदे मातरम बोलणारच आणि भाजपाची हिम्मत असेल तर आमच्या सदस्यांना त्यांनी निलंबित करून दाखवा.
हे देखील वाचा
