मुंबई- पश्चिम रेल्वे मार्गावर येत्या रविवारी २४ नोव्हेंबर रोजी कोणाताही ब्लॉक घेण्यात येणार नाही.त्यामुळे रविवारी सुट्टीच्या दिवशी या मार्गावरून प्रवास करणाऱ्या प्रवाशांना मोठा दिलासा मिळाला आहे.
पश्चिम रेल्वेने रेल्वे रूळ, ओव्हरहेड आणि सिग्नल उपकरणांच्या देखभालीचे काम करण्यासाठी शनिवारी रात्री १२.१५ ते पहाटे ३.१५ या कालावधीत वसई रोड येथील यार्ड आणि मालवाहतूक मार्गावर ब्लॉक घेतला आहे.हा मेगाब्लॉक रात्रीचा असल्याने उपनगरीय वाहतुकीवर कोणताही परिणाम होणार नाही.या रात्रीच्या ब्लॉकमुळे रविवारी दिवसभरात पश्चिम रेल्वे मार्गावर कोणताही ब्लॉक घेण्यात आला नसल्याचे प्रशासनाने म्हटले आहे.
