Hong Kong Fire : हाँगकाँगमधील एकाशेजारी एक असलेल्या सात मोठ्या गगनचुंबी इमारतींना २६ नोव्हेंबर रोजी भीषण आग लागली होती. अखेर तिसऱ्या दिवशी अग्निशमन दलाने आणि बचाव पथकाने हि शोध मोहीम स्थगित केली. यातील मृतांची संख्या १२८ वर पोहोचली. आणि यात २०० हून अधिक लोक अजूनही बेपत्ता आहेत. येथील १,९८४ अपार्टमेंटमध्ये जवळजवळ ४,६०० लोक राहत होते. इमारतींना आग कशी लागली याचा तपास सध्या हाँगकाँग पोलिसांनी सुरू केला आहे. तसेच, या बांधकामात सहभागी असलेल्या आठ जणांनाही पोलिसांनी अटक केली आहे.
हाँगकाँग विशेष प्रशासकीय क्षेत्र (HKSAR) सरकारने पत्रकार परिषदेत सांगितले की स्थानिक वेळेनुसार सकाळी १० वाजता अग्निशमन, बचाव आणि शोध मोहिम स्थगित करण्यात आली आहे. HKSAR सरकारचे सुरक्षा सचिव ख्रिस तांग पिंग-केउंग यांनी सांगितले की, ताई पो येथे लागलेल्या भीषण आगीत आतापर्यंत १२८ जणांचा मृत्यू झाला आहे. काही सरकारी वृत्तांनुसार पोलिस घटनास्थळी तपास करण्यासाठी पोहोचतील तेव्हा आणखी देखील मृतदेह सापडण्याची दाट शक्यता नाकारता येत नाही. २०० हून अधिक लोक या आगीत बेपत्ता आहेत.
दरम्यान, हाँगकाँगच्या भ्रष्टाचार विरोधी संस्थेने इमारतीच्या नूतनीकरणाच्या कामात सहभागी असलेल्या एका महिलेसह तब्ब्ल आठ जणांना अटक केली. अधिकाऱ्यांनी सांगितले की तीन दिवसांच्या या कारवाईत एकूण ३९१ अग्निशमन गाड्या, १८५ रुग्णवाहिका आणि २,३११ अग्निशमन आणि रुग्णवाहिका कर्मचारी यादरम्यान तैनात करण्यात आले होते. अग्निशमन दलातील एकाचा मृत्यू झाला आणि १२ जण सध्या गंभीर जखमी आहेत. हाँगकाँग पोलिस दल सगळे पुरावे गोळा करण्यासाठी तपास करत आहे. याला तीन ते चार आठवडे लागण्याची शक्यता असलयाचे देखील बोलले जात आहे.
हाँगकाँग सरकारने प्रत्येक पीडित कुटुंबाला २००,००० हाँगकाँग डॉलर्स (सुमारे २५,६९३ अमेरिकन डॉलर्स)चे अनुदान जाहीर करण्यात आले. पुढील आठवड्यापासून प्रत्येक कुटुंबाला ५०,००० हाँगकाँग डॉलर्सचा राहणीमान भत्ता मिळेल, असे देखील काही वृत्तांमध्ये म्हटले आहे.
आगीचे कारण अद्यापहि समोरआले नाही, परंतु खिडक्यांवर असलेल्या स्टायरोफोममुळे आगीचा प्रसार जलद गतीने झाला असावा असा संशय पोलिसांना आहे, आगीतून बचावलेल्यांनी यासांदर्भात तक्रार केली की अग्निशामक अलार्म आग लागली तेव्हा काम करत नव्हते, ज्यामुळे रहिवाशांना कोणतीही पूर्वसूचना मिळू शकली नाही. याशिवाय, पोलीस अधीक्षक एलीन चुंग यांनी म्हटले आहे की, “कंपनीच्या जबाबदार पक्षाच्या घोर निष्काळजीपणा या दुर्घटनेला आणि मोठ्या जीवितहानीला कारणीभूत आहे. असे ठाम विधान देखील त्यांनी केले.
हे देखील वाचा –Dhurandhar Movie : रणवीर सिंगच्या ‘धुरंधर’ चित्रपटाच्या प्रदर्शनावर बंदीची मागणी; कारण काय? वाचा
