Upcoming IPO: गुंतवणूकदारांसाठी पुढील आठवडा प्रचंड घवघवीत कमाईचा ठरण्याची शक्यता आहे. प्राथमिक बाजारात म्हणजेच आयपीओ मार्केटमध्ये एकाच वेळी अनेक कंपन्या आपले नशीब आजमावण्यासाठी सज्ज झाल्या आहेत. पुढील सात दिवसांत एकूण 10 नवीन कंपन्यांचे आयपीओ गुंतवणुकीसाठी खुले होणार आहेत. यामध्ये सर्वसामान्यांसाठी असणारे 2 मोठे आयपीओ आहेत, तर उर्वरित 8 आयपीओ हे एसएमई (लहान आणि मध्यम उद्योग) कॅटेगरीतील आहेत.
या कंपन्यांमध्ये आस्था स्पिनटेक्स, एडन अॅग्रो, ट्विंकल पेपर्स, क्रॅटिकल टेक, विनीत मोबाईल, संपर्क इंडिया लॉजिस्टिक्स, सीमैक्स रिसोर्सेस, अथर्व पॉलीप्लास्ट, तेजा इंजिनिअरिंग इंडस्ट्रीज आणि नॅक पॅकेजिंग यांचा प्रामुख्याने समावेश आहे. यामध्ये गुंतवणूक करण्यापूर्वी कोणत्या कंपनीचा प्राईस बँड किती आहे आणि ग्रे मार्केटमध्ये काय हालचाली सुरू आहेत, हे सविस्तर जाणून घेऊया.
आयपीओची माहिती
सर्वसामान्य किरकोळ गुंतवणूकदारांचे सर्वाधिक लक्ष या दोन मोठ्या आयपीओकडे असणार आहे:
- आस्था स्पिनटेक्स आयपीओ: हा आयपीओ 29 जून रोजी खुला होईल आणि 1 जुलै रोजी बंद होईल. कंपनीने याचे मूल्य प्रति शेअर 125 ते 136 रुपये निश्चित केले असून, गुंतवणूकदारांना किमान 110 शेअर्सचा एक लॉट खरेदी करावा लागेल. सध्या याचा ग्रे मार्केट प्रीमियम (GMP) 5 रुपये चालत आहे.
- नॅक पॅकेजिंग आयपीओ: हा आयपीओ 1 जुलै रोजी सुरू होऊन 3 जुलै रोजी बंद होणार आहे. याचा प्राईस बँड 161 ते 170 रुपये प्रति शेअर असून किमान 88 शेअर्सचा एक लॉट असेल. सध्या बाजारात याला चांगली मागणी असून याचा जीएमपी 13.5 रुपये आहे.
एसएमई (SME) कॅटेगरीतील आयपीओचे वेळापत्रक आणि प्राईस बँड
लहान कंपन्यांच्या शेअर्समध्ये मोठी गुंतवणूक करू इच्छिणाऱ्यांसाठी ८ पर्याय उपलब्ध आहेत. यांचे वर्गीकरण खालीलप्रमाणे आहे:
१. २९ जून रोजी उघडणारे आयपीओ (बंद होण्याची तारीख १ जुलै):
- ट्विंकल पेपर्स: प्राईस बँड 64 ते 69 रुपये असून, 2000 शेअर्सचा एक लॉट आहे. याचा जीएमपी सध्या 9 रुपये चालू आहे.
- एडन अॅग्रो: प्राईस बँड 60 ते 70 रुपये असून, 2000 शेअर्सचा लॉट आहे. सध्या याचा जीएमपी शून्य आहे.
२. ३० जून रोजी उघडणारे आयपीओ (बंद होण्याची तारीख २ जुलै):
- क्रॅटिकल टेक: प्राईस बँड 128 ते 135 रुपये असून, लॉट साईज 1000 शेअर्सची आहे. बाजारात याचा जीएमपी सर्वाधिक म्हणजेच 17 रुपये चालू आहे.
- अथर्व पॉलीप्लास्ट: प्राईस बँड 55 ते 60 रुपये असून, 2000 शेअर्सचा लॉट आहे. याचा जीएमपी 10 रुपये आहे.
- तेजा इंजिनिअरिंग इंडस्ट्रीज: या शेअर्सची किंमत 220 रुपये निश्चित करण्यात आली असून, लॉट साईज 600 शेअर्सची आहे. याचा जीएमपी सध्या शून्य आहे.
- विनीत मोबाईल: प्राईस बँड 150 ते 158 रुपये असून, 800 शेअर्सचा लॉट आहे. याचा जीएमपी सध्या शून्य आहे.
- सीमैक्स रिसोर्सेस: प्राईस बँड 134 to 141 रुपये असून, 2000 शेअर्सचा एक लॉट आहे. याचा जीएमपी सध्या शून्य आहे.
- संपर्क इंडिया लॉजिस्टिक्स: प्राईस बँड 80 ते 84 रुपये असून, 1600 शेअर्सचा लॉट आहे. याचाही जीएमपी सध्या शून्य आहे.
गुंतवणूक करताना ‘या’ गोष्टींची काळजी घ्या
शेअर बाजारात आयपीओसाठी अर्ज करताना ‘लॉट साईज’ समजून घेणे अत्यंत महत्त्वाचे असते. लॉट साईज म्हणजे गुंतवणूकदारांना किमान तेवढ्या शेअर्ससाठी अर्ज करावाच लागतो, त्यापेक्षा कमी शेअर्स खरेदी करता येत नाहीत. त्यानंतर त्याच संख्येच्या पटीत पुढील अर्ज करता येतो.
दुसरी महत्त्वाची गोष्ट म्हणजे ग्रे मार्केट प्रीमियम (GMP). हा प्रीमियम केवळ बाजारातील अंदाजांवर आधारित असतो आणि कंपनीचे शेअर्स प्रत्यक्षात बाजारात सूचीबद्ध (लिस्टिंग) होईपर्यंत यामध्ये कधीही वाढ किंवा घट होऊ शकते. त्यामुळे केवळ जीएमपी पाहून निर्णय न घेता आर्थिक तज्ज्ञांचा सल्ला घेऊनच गुंतवणूक करावी.
