ICC T20 World Cup 2026 : क्रिकेटचा महासंग्राम! कधी सुरू होणार टी-२० विश्वचषक? पाहा संपूर्ण वेळापत्रक

ICC T20 World Cup 2026: क्रिकेट चाहत्यांची प्रतीक्षा आता लवकरच संपणार आहे. आयसीसी पुरुष टी-२० विश्वचषक २०२६ स्पर्धा लवकरच सुरू होणार आहे. ७ फेब्रुवारीपासून भारत आणि श्रीलंकेच्या मैदानांवर या स्पर्धेचा थरार रंगणार आहे. एकूण 20 संघ या जागतिक विजेतेपदासाठी एकमेकांशी भिडतील. गतविजेता भारतीय संघाचा सलामीचा सामना मुंबईच्या ऐतिहासिक वानखेडे स्टेडियमवर होणार आहे.

सलामीचा दिवस आणि टीम इंडियाचे सामने

स्पर्धेच्या पहिल्याच दिवशी म्हणजे ७ फेब्रुवारीला तीन सामने खेळवले जातील. श्रीलंकेतील कोलंबो येथे पाकिस्तान आणि नेदरलँड्स यांच्यात पहिली लढत होईल. त्यानंतर कोलकात्यात वेस्ट इंडिज आणि स्कॉटलंड आमनेसामने येतील, तर रात्री मुंबईत भारत आणि अमेरिका यांच्यात हाय-व्होल्टेज सामना रंगणार आहे.

गट विभागणी (Groups)

• गट A: भारत, पाकिस्तान, अमेरिका, नेदरलँड, नामिबिया.
• गट B: ऑस्ट्रेलिया, श्रीलंका, आयर्लंड, झिम्बाब्वे, ओमान.
• गट C: इंग्लंड, वेस्ट इंडीज, नेपाळ, स्कॉटलंड, इटली.
• गट D: दक्षिण आफ्रिका, न्यूझीलंड, अफगाणिस्तान, संयुक्त अरब अमिराती, कॅनडा.

स्पर्धेचे स्वरूप (Format)

स्पर्धेची विभागणी तीन टप्प्यांत करण्यात आली आहे. सुरुवातीला ‘गट फेरी’ होईल, जिथून प्रत्येक गटातील अव्वल 2 संघ ‘सुपर 8’ मध्ये जातील. त्यानंतर ४-४ संघांचे दोन गट केले जातील. सुपर 8 मधील सर्वोत्तम दोन संघ उपांत्य फेरीत प्रवेश करतील. ८ मार्च रोजी स्पर्धेचा महाअंतिम सामना पार पडेल.

टी२० विश्वचषक २०२६: संपूर्ण वेळापत्रक (गट फेरी)

बाद फेरी (Knockouts)

• 21 फेब्रुवारीपासून सुपर-8 चे सामने सुरु होतील.
• पहिली उपांत्य फेरी: ४ मार्च (कोलंबो किंवा कोलकाता)
• दुसरी उपांत्य फेरी: ५ मार्च (मुंबई) – जर भारत पात्र झाला तर हा सामना वानखेडेवर होईल.
• महाअंतिम सामना: ८ मार्च (अहमदाबाद किंवा कोलंबो)