Hyundai i20: भारतातील प्रमुख वाहन उत्पादक कंपनी ह्युंडई विविध सेगमेंटमध्ये आपल्या गाड्यांची विक्री करते. प्रीमियम हॅचबॅक कार सेगमेंटमध्ये कंपनीची Hyundai i20 ही कार खूप लोकप्रिय आहे.
जर तुम्ही या कारचा बेस व्हेरिएंट खरेदी करण्याचा विचार करत असाल, तर 2 लाख रुपयांचे डाउन पेमेंट केल्यानंतर दरमहा किती EMI भरावा लागेल, याबाबत जाणून घेऊया.
Hyundai i20 ची ऑन-रोड किंमत
Hyundai ची ही प्रीमियम हॅचबॅक कार अनेक व्हेरिएंटमध्ये उपलब्ध आहे. याच्या बेस व्हेरिएंटची एक्स-शोरूम किंमत 6.87 लाख रुपये आहे. दिल्लीत ही कार खरेदी करताना 6.87 लाख रुपये एक्स-शोरूम किंमत, सुमारे 62 हजार रुपये आरटीओ शुल्क आणि सुमारे 42 हजार रुपये इन्शुरन्सचा खर्च येतो. त्यामुळे या कारची ऑन-रोड किंमत 7.92 लाख रुपये होते.
फीचर्स आणि सुरक्षा सुविधांनी युक्त असलेल्या Hyundai i20 चा बाजारात थेट मुकाबला Maruti Suzuki Baleno, Toyota Glanza आणि Tata Altroz Facelift यांसारख्या गाड्यांशी आहे.
2 लाख रुपये डाउन पेमेंटनंतर EMI किती?
जर तुम्ही या गाडीचा बेस व्हेरिएंट खरेदी केला, तर बँक तुम्हाला एक्स-शोरूम किंमतीवर कर्ज देईल. अशा परिस्थितीत, 2 लाख रुपयांचे डाउन पेमेंट केल्यानंतर तुम्हाला सुमारे 5.92 लाख रुपये कर्ज स्वरूपात घ्यावे लागतील. जर बँकेने तुम्हाला 9 टक्के व्याज दराने 7 वर्षांसाठी 5.92 लाख रुपयांचे कर्ज दिले, तर तुम्हाला पुढील 7 वर्षांसाठी दरमहा फक्त 9,520 रुपये इतका EMI भरावा लागेल.
कार किती महाग पडेल?
जर तुम्ही 9 टक्के व्याज दराने 7 वर्षांसाठी 5.92 लाख रुपयांचे कार कर्ज घेतले, तर 7 वर्षांच्या कालावधीत तुम्ही व्याजापोटी सुमारे 2.07 लाख रुपये भराल. त्यामुळे कारची एकूण किंमत (एक्स-शोरूम किंमत + आरटीओ/इन्शुरन्स + एकूण व्याज) मिळून सुमारे 9.99 लाख रुपये होईल.
