iPhone 18 Pro Max specifications price leaks: ॲपल कंपनीच्या नवीन आयफोनची जगभरातील टेक विश्वात नेहमीच उत्सुकता असते. यंदा कंपनी आपली नवीन iPhone 18 सिरीज सप्टेंबर महिन्यात लाँच करण्याची शक्यता आहे. या लाँचिंगला अजून काही महिने बाकी असतानाच, प्रीमियम मॉडेल्स म्हणजेच iPhone 18 Pro आणि iPhone 18 Pro Max बद्दल मोठी माहिती समोर आली आहे.
या वर्षी कंपनी नेहमीच्या मॉडेलमध्ये काही मोठे बदल करू शकते. रिपोर्ट्सनुसार, कंपनी बेस मॉडेल म्हणजेच सामान्य iPhone 18 चे लाँचिंग पुढील वर्षाच्या सुरुवातीला करू शकते. त्यामुळे यंदा संपूर्ण लक्ष फक्त प्रो मॉडेल्सवर असणार आहे.
iPhone 18 Pro Max specifications price leaks: डिझाईन आणि डिस्प्लेमध्ये काय असेल नवीन?
नेहमीप्रमाणे प्रो सिरीजचे डिझाईन प्रीमियम असणार आहे, पण यावेळी स्क्रीनच्या बाबतीत काही महत्त्वाचे बदल पाहायला मिळतील.
- नॅरो डायनॅमिक आयलंड: आयफोन स्क्रीनवर दिसणारा डायनॅमिक आयलंडचा आकार यावेळी 35 टक्क्यांनी लहान केला जाऊ शकतो, ज्यामुळे युझर्सना मोठी स्क्रीन वापरता येईल.
- डिस्प्ले साईझ: iPhone 18 Pro मध्ये 6.3 इंच आणि Pro Max मध्ये 6.9 इंचाचा मोठा डिस्प्ले कायम असेल.
- नवीन डिस्प्ले तंत्रज्ञान: बॅटरीची बचत करण्यासाठी कंपनी यावेळी अधिक कार्यक्षम असलेल्या LTPO+ डिस्प्ले तंत्रज्ञानाचा वापर करणार आहे.
तसेच, iPhone 18 Pro Max ची जाडी यावेळी 8.75 मिमी वरून 8.8 मिमी केली जाऊ शकते. ही जाडी वाढल्यामुळे फोनमध्ये मोठी आणि शक्तिशाली बॅटरी बसवणे कंपनीला शक्य होणार आहे.
iPhone 18 Pro Max specifications price leaks: पॉवरफुल बॅटरी आणि एडव्हान्स कॅमेरा
लीक झालेल्या माहितीनुसार, मोठ्या प्रो मॅक्स मॉडेलमध्ये यावेळी 5,100mAh ते 5,200mAh क्षमतेची बॅटरी दिली जाऊ शकते, जी जुन्या मॉडेलच्या 5,088mAh बॅटरीपेक्षा मोठी असेल.
कॅमेऱ्याच्या बाबतीत ॲपल यावेळी सॅमसंगने विकसित केलेला विशेष थ्री-लेअर इमेज सेन्सर वापरण्याची शक्यता आहे. या नवीन सेन्सरमुळे कमी प्रकाशातही उत्कृष्ट फोटो काढता येतील. याशिवाय, युझर्सना कॅमेऱ्यातील प्रकाश नियंत्रित करण्यासाठी ‘व्हेरिएबल अपेर्चर’चा पर्याय मिळू शकतो, जो फोटोग्राफीचा अनुभव पूर्णपणे बदलेल.
iPhone 18 Pro Max specifications price leaks: नवीन २ एनएम प्रोसेसर आणि सॅटेलाईट कनेक्टिव्हिटी
या फोनमध्ये ॲपलचा नवीन A20 चिपसेट पाहायला मिळेल, जो प्रगत 2nm तंत्रज्ञानावर तयार केला जात आहे. हा प्रोसेसर जुन्या चिपपेक्षा 15 टक्के वेगवान आणि 30 टक्के अधिक कार्यक्षम असेल. यामुळे फोनमधील कृत्रिम बुद्धिमत्ता खूप चांगल्या पद्धतीने काम करेल.
ने트워크च्या बाबतीत कंपनी नवीन C2 मॉडेम वापरणार आहे. याद्वारे दुर्गम भागात किंवा मोबाईल नेटवर्क नसलेल्या ठिकाणीही सॅटेलाईटच्या माध्यमातून इंटरनेट चालवणे सोपे होणार आहे. कलर ऑप्शन्सचा विचार केला तर यावेळी एक नवीन डार्क चेरी रंग बाजारात आणला जाऊ शकतो.
भारतातील अपेक्षित किंमत किती असेल?
जागतिक बाजारात सुट्ट्या भागांच्या किमती वाढल्या असल्या, तरी ॲपल यावेळी आयफोनच्या किमतीत फार मोठी वाढ करणार नाही, असा अंदाज तज्ज्ञांनी व्यक्त केला आहे. भारतात 2025 मध्ये आयफोनच्या किमती आधीच 5,000 रुपयांनी वाढल्या होत्या, त्यामुळे ग्राहकांचा विचार करता किंमत स्थिर ठेवली जाऊ शकते.
भारतात सध्याच्या जुन्या प्रो मॉडेलची सुरुवातीची किंमत 1,34,900 रुपये आणि प्रो मॅक्सची किंमत 1,49,900 रुपये आहे. नवीन iPhone 18 Pro सिरीज देखील याच किंमत पट्ट्यात लाँच होण्याची दाट शक्यता आहे.
हे देखील वाचा – PM Modi Norway Visit: पंतप्रधान मोदींना प्रश्न विचारण्याचा प्रयत्न करणारी ‘ती’ परदेशी पत्रकार कोण? सोशल मीडियावर तुफान चर्चा
