Thyroid Diet Tips: शरीरातील थायरॉईड ग्रंथीचे कामकाज बिघडले की त्याचा थेट परिणाम आपल्या चयापचय शक्तीवर आणि वजनावर होतो. अनेकांना माहिती नसते की वजन वाढवणारा थायरॉईड आणि वजन झपाट्याने घटवणारा थायरॉईड या दोन्ही परिस्थितींमध्ये शरीराची गरज पूर्णपणे विरुद्ध असते. म्हणूनच, शेजाऱ्यांनी किंवा इंटरनेटवर कोणीतरी सांगितलेला डाएट प्लॅन डोळे झाकून फॉलो करणे आरोग्यासाठी धोकादायक ठरू शकते.
वाढत्या किंवा कमी होणाऱ्या थायरॉईडच्या त्रासामध्ये नकळतपणे खाल्ल्या जाणाऱ्या काही नेहमीच्या गोष्टी शरीरातील औषधांचा प्रभाव पूर्णपणे नष्ट करू शकतात. यामुळेच डॉक्टरांच्या सल्ल्याने आहारात बदल करणे आणि खालील ८ विशिष्ट पदार्थांपासून लांब राहणे अत्यंत गरजेचे आहे.
Thyroid Diet Tips:थायरॉईडच्या रुग्णांनी ‘या’ 8 खाद्यपदार्थांपासून राहावे लांब
हार्मोन्सचे संतुलन राखण्यासाठी आणि औषधांचा योग्य परिणाम मिळवण्यासाठी खालील पदार्थांचे सेवन मर्यादित किंवा पूर्णपणे बंद करणे आवश्यक आहे:
- १. विशिष्ट पालेभाज्या (कच्च्या खाणे टाळा): पत्ताकोबी, फ्लॉवर, ब्रोकोली आणि पालक यांसारख्या भाज्या कच्च्या स्वरूपात खाणे हायपोथायरॉईडच्या रुग्णांसाठी नुकसानकारक ठरू शकते. या भाज्या नेहमी चांगल्या शिजवून किंवा उकडूनच खाव्यात.
- २. सोया आणि सोया उत्पादने: ज्यांचे वजन थायरॉईडमुळे सतत वाढते आहे, त्यांनी सोयाबीन, सोया चंक्स किंवा टोफू खाणे टाळले पाहिजे. सोयामधील घटक हे शरीराला थायरॉईडची औषधे शोषून घेण्यापासून रोखतात.
- ३. आयोडीन सप्लिमेंट्स (हायपर थायरॉईडसाठी): वजन झपाट्याने कमी होणाऱ्या हायपरथायरॉईडच्या रुग्णांच्या शरीरात आधीच हार्मोन्सचे प्रमाण जास्त असते. अशा वेळी अति आयोडीनयुक्त गोष्टी खाल्ल्यास त्रास अधिक वाढतो. मात्र, वजन वाढणाऱ्या रुग्णांना डॉक्टरांच्या सल्ल्याने आयोडीन घेता येते.
- ४. कॅफिन आणि एनर्जी ड्रिंक्स: अति प्रमाणात चहा, कॉफी, डार्क चॉकलेट किंवा एनर्जी ड्रिंक्स घेतल्यास त्यातील कॅफिनमुळे हायपरथायरॉईडच्या रुग्णांमध्ये अस्वस्थता, घबराट आणि झोप न त्याने वाढते.
- ५. ग्लूटेनयुक्त अन्नपदार्थ: गहू, सूजी आणि बार्ली यांसारख्या धान्यांमध्ये असणाऱ्या ग्लूटेन या घटकाची अनेक थायरॉईड रुग्णांना अॅलर्जी असते. यामुळे शरीराची पचनसंस्था बिघडून अंतर्गत सूज वाढू शकते.
- ६. अल्कोहोल आणि मद्यपान: जर तुम्ही थायरॉईडच्या नियंत्रणासाठी नियमित गोळ्या घेत असाल, तर मद्यपानाचे सेवन औषधांचा परिणाम पूर्णपणे शून्य करू शकते. यामुळे हाडे कमकुवत होण्याचाही धोका असतो.
- ७. तृणधान्ये : काही विशिष्ट प्रकारची तृणधान्ये गरजेपेक्षा जास्त खाल्ल्याने त्यातील गॉइट्रोजन हा घटक थायरॉईड ग्रंथीच्या नैसर्गिक प्रक्रियेत थेट अडथळा निर्माण करतो, त्यामुळे याचे सेवन मर्यादित ठेवावे.
- ८. अति चरबीयुक्त आणि जंक फूड: तळलेले पदार्थ, मैद्याचे जंक फूड आणि अति फॅट्स असणारे मांस खाल्ल्याने शरीरातील कॅलरीज वाढतात. वजन वाढणाऱ्या थायरॉईडच्या रुग्णांसाठी हे पदार्थ प्रकृती अधिक बिघडवणारे ठरतात.
महत्त्वाची सूचना : या बातमीत देण्यात आलेली माहिती ही केवळ सर्वसामान्य माहिती आहे. आहारात कोणताही मोठा बदल करण्यापूर्वी किंवा कोणतेही पदार्थ पूर्णपणे बंद करण्यापूर्वी तुमच्या फॅमिली डॉक्टरांचा किंवा तज्ज्ञ आहारतज्ज्ञांचा सल्ला नक्की घ्या.
हे देखील वाचा – Food Safety Alert: हॉटेलमध्ये गंजलेल्या चाकूंचा वापर केल्यास होणार कारवाई! FSSAI खाद्यपदार्थ विक्रेत्यांसाठी नवा नियम
