Tata Capital IPO: टाटा समूहाची (Tata Group) प्रमुख वित्तीय सेवा कंपनी असलेल्या टाटा कॅपिटलने (Tata Capital) 26 सप्टेंबर रोजी सेबी (SEBI) आणि स्टॉक एक्सचेंजकडे ‘रेड हेरिंग प्रॉस्पेक्टस’ दाखल केले आहे. यामुळे कंपनीचा बहुचर्चित मेगा IPO बाजारात येण्याचा मार्ग मोकळा झाला आहे.
रिपोर्टनुसार, हा IPO 1.85 अब्ज डॉलर्स म्हणजेच जवळपास 16,400 कोटींचा असेल, ज्याची पोस्ट-मनी व्हॅल्युएशन 16.5 अब्ज डॉलर्स एवढी निश्चित करण्यात आली आहे.
IPO कधी सुरू होणार आणि किती शेअर्स विक्रीस?
कंपनीने एक्सचेंजला दिलेल्या माहितीनुसार, टाटा कॅपिटलच्या IPO चे वेळापत्रक निश्चित झाले आहे:
- ऑफर सुरू होण्याची तारीख: सोमवार, 6 ऑक्टोबर 2025
- ऑफर बंद होण्याची तारीख: बुधवार, 8 ऑक्टोबर 2025
- अँकर इन्व्हेस्टर (Anchor Investor) बोलीची तारीख: शुक्रवार, 3 ऑक्टोबर 2025
ही ऑफर दोन भागांमध्ये विभागलेली आहे:
- नवीन इश्यू (Fresh Issue): 10 रुपये फेस व्हॅल्यूचे 210,000,000 (21 कोटी) इक्विटी शेअर्सचा नवीन इश्यू.
- ऑफर फॉर सेल (OFS): सध्याचे भागधारक (विशेषतः टाटा सन्स आणि IFC) 265,824,280 (26.58 कोटी) इक्विटी शेअर्सची विक्री करतील.
टाटा समूहाची ही सर्वात मोठी लिस्टिंग असेल, ज्यामध्ये LICदेखील अँकर इन्व्हेस्टर म्हणून मोठा सहभाग घेण्याची शक्यता आहे.
IPO लिस्टिंगची घाई का?
भारतीय रिझर्व्ह बँकेच्या (RBI) नियमांनुसार, टाटा कॅपिटल सारख्या अप्पर लेअर NBFC कंपन्यांना 30 सप्टेंबर पर्यंत देशांतर्गत बाजारात सूचीबद्ध होणे आवश्यक आहे. या डेडलाईनमुळे टाटा कॅपिटलची लिस्टिंग प्रक्रिया वेगाने सुरू आहे.
टाटा सन्स कडे टाटा कॅपिटलचा मोठा भाग आहे, तर IFC (International Finance Corporation), टीएमएफ होल्डिंग्स, टाटा इन्व्हेस्टमेंट कॉर्पोरेशन, टाटा मोटर्स, टाटा केमिकल्स आणि टाटा पॉवर यांसारख्या समूहातील कंपन्यांचाही यात हिस्सा आहे. या मेगा लिस्टिंगसाठी कंपनीने कोटक महिंद्रा कॅपिटल, सिटी, अॅक्सिस कॅपिटल, जेपी मॉर्गन, HSBC, आयसीआयसीआय सिक्युरिटीजसह जवळपास 10 मोठ्या इन्व्हेस्टमेंट बँकांना सल्लागार म्हणून नियुक्त केले आहे.
हे देखील वाचा – संयुक्त राष्ट्रात मोठा ड्रामा! गाझामधील कारवाईवरून इस्रायलला धक्का; नेतन्याहूंचे भाषण सुरू असताच अनेक देशांच्या प्रतिनिधींचा सभात्याग
