Shikhar Dhawan Suresh Raina ED Case : माजी भारतीय क्रिकेटपटू सुरेश रैना आणि शिखर धवन यांना ईडीचा जोरदार झटका मिळाला आहे. यात सक्तवसुली संचालनालयाने (Enforcement Directorate) पीएमएलए (Prevention of Money Laundering Act 2002) कायद्यातील तरतुदींनुसार माजी भारतीय क्रिकेटपटू सुरेश रैना आणि शिखर धवन यांची ११.१४ कोटी रुपयांची जंगम आणि स्थावर मालमत्ता तात्पुरती जप्त केल्याचा धक्कादायक प्रकार समोर येत आहे.
सुरेश रैनाच्या नावावर असलेली ६.६४ कोटी रुपयांची म्युच्युअल फंड गुंतवणूक ईडीने जप्त केली असल्याची माहिती आहे. तसेच ईडीने जप्ती केलेल्या संपत्तीमध्ये शिखर धवनच्या नावावर असलेली ४.५ कोटी रुपयांची स्थावर मालमत्तेचा समावेश आहे.
ईडीकडून त्यांची ही मालमत्ता जप्त केली आहे. ईडी कार्यालयाकडून या संधर्भात अधिक माहिती देण्यात आली आहे. मिळालेल्या माहितीनुसार, विविध राज्यांच्या पोलीस यंत्रणांनी अवैध ऑफशोअर बेटिंग प्लॅटफॉर्म 1xBet च्या चालकांविरुद्ध नोंदवलेल्या अनेक FIRच्या आधारावर PMLA अंतर्गत तपास करण्यात आल आहे.
ईडीने केलेल्या तपासामध्ये हे उघड झाले आहे की 1xBet आणि त्याचे सरोगेट ब्रँड म्हणजे 1xBat आणि 1xbat Sporting lines संपूर्ण भारतात अवैध ऑनलाइन बेटिंग आणि जुगाराला प्रोत्साहन देण्याव्यतिरिक्त तसेच सहजपणे लोकांपर्यंत पोहचवण्यात गुंतलेले असल्याचे आढळून आले.
तपासात असे आढळून आले की क्रिकेटपटू सुरेश रैना आणि शिखर धवन या दोघांनीही जाणूनबुजून 1xBet ला त्याच्या सरोगेट्सद्वारे प्रोत्साहन देण्यासाठी परदेशातील संस्थांसोबत जाहिरातीचे करार केले असल्याचा धक्कादायक खुलासा करण्यात आला.
अवैध बेटिंगमधून मिळवलेले उत्पन्न लपवण्यासाठी उत्पन्नाचा मूळ स्त्रोत लपविण्यासाठी हे करार विदेशी संस्थांमार्फत पैसे देऊन करण्यात आले होते, असे देखील ईडीकडून सांगण्यात आले.
हे देखील वाचा – Pranit More : प्रणित मोरेंची बिग बॉसच्या घरात री-एंट्री..
