Ashnoor Kaur : बिग बॉस १९ आता समाप्ती पासून काही दिवस दूर आहे. आणि फिनालेच्या फक्त एक आठवडा आधी, गौरव खन्नाने फिनालेचे तिकीट जिंकले आणि तो शोचा पहिला फायनलिस्ट बनला. तथापि, आठवड्यातील मुख्य आकर्षण म्हणजे अशनूर कौरची तान्या मित्तलशी झालेली भांडण. वीकेंडच्या वारच्या प्रोमोमध्ये सलमान खान अशनूरने तान्याला जाणूनबुजून लाकडी फळीने मारल्याबद्दल जाब विचारतो. आणि तिच्यावर कारवाई केली जाईल असे जाहीर केले आहे.
टिकेट टू फिनाले टास्क दरम्यान, अशनूर कौर, गौरव खन्ना, प्रणित मोरे आणि फरहाना भट्ट या चार स्पर्धकांनमध्ये एक टास्क रंगला ज्यात एक लाकडी फळी घेऊन जायचे होते. हा टास्क नेमका कसा होता हे एपिसोडमधून आपल्याला अधिक चांगल्या पद्धतीने समजेल. अशनूरच्या या टास्कमध्ये तानियाने आडकाठी केली. आणि या दरम्यान तान्या तिच्या मागे उभी असताना, अशनूरने तिचा लाकडी फळी आक्रमकपणे तानियावर मारली, जी तान्याच्या मानेवर आणि चेहऱ्यावर लागली. अशनूर म्हणत होती, “मला माफ करा, मी तुम्हाला पाहिले नाही.” तथापि, तान्याला वाटले की तिला जाणूनबुजून मारण्यात आले आहे.
अशनूरने वारंवार दावा केला की तिला तान्या तिच्या मागे उभी दिसली नाही, तर गौरव, शेहबाज आणि तान्याला वाटले की अशनूरने टास्क गमावल्याच्या नैराश्याने तिला जाणूनबुजून लाकडी फळीने मारले. वीकेंडच्या वारच्या प्रोमोमध्ये सलमान खान देखील अशनूरला टास्क दरम्यान जाणूनबुजून तान्याला मारल्याबद्दल फटकारताना दाखवतो.
सलमान खान म्हणाला, “अशनूर, बिग बॉसच्या घरात कोणावर हात उचलून त्यांना दुखापत करणे स्वीकारार्ह नाही. तिची आक्रमकता इतकी होती की तिने जाणूनबुजून लाकडी फळी पूर्ण ताकदीने तान्याकडे वळवली आणि हे अगदी स्पष्ट होते की हे जाणूनबुजून आणि रागाच्या भरात केले गेले होते.”आमच्या घराचे काही नियम आहेत आणि तू या घराचा एक मोठा नियम मोडला आहेस. हा हानी पोहोचवण्याचा हेतू आहे आणि यावर कारवाई केली जाईल.” हे अशनूरच्या घराबाहेर काढण्याचे संकेत देत होते, परंतु आजच्या भागात ते स्पष्ट होईल. शिवाय हा प्रोमो पाहून नेटकाऱ्यानी यावर वेगवेगळ्या प्रकारच्या कंमेंट देखील केल्या आहेत. अशनूरचा बरासचा चाहता वर्ग हा अशनूरच्या बाजूने वारंवार आपली मत मांडताना दिसत आहे.
