BJP–Shinde Sena Clash in Dombivli – महायुतीमधील भाजपा आणि शिंदेसेना या मित्रपक्षांमध्ये मागील काही दिवसांपासून खटके सुरू आहेत. डोंबिवली शहरातील कुंभारखाण पाडा परिसरात गणेश घाट आणि रागाई मंदिराच्या प्रवेशद्वाराच्या उद्घाटन सोहळ्यादरम्यान भाजपा आणि शिंदेसेनेचे कार्यकर्त्ये आमने-सामने आले.
दोन्ही पक्षांच्या कार्यकर्त्यांनी शक्तीप्रदर्शन करत घोषणाबाजी केली. उद्घाटनाच्या कार्यक्रमाच्या काही दिवस आधीच भाजपातून शिंदे गटात प्रवेश केलेले माजी नगरसेवक विकास म्हात्रे आणि त्यांच्या पत्नी कविता म्हात्रे हे या ठिकाणी चर्चेचा केंद्रबिंदू ठरले.
या उद्घाटन सोहळ्याच्या निमित्ताने भाजपाने मोठ्या प्रमाणात शक्तीप्रदर्शन केले होते. संपूर्ण परिसरात पक्षाचे बॅनर आणि झेंडे लावले होते.म्हात्रे दाम्पत्याच्या समर्थकांनीही या परिसरात मोठ्या प्रमाणात बॅनर आणि होर्डिंग्ज लावून आपले शक्ती प्रदर्शन केले होते.
या उद्घाटन समारंभाला सुरुवात होत असतानाच शिंदे गटाच्या कार्यकर्त्यांनी विकास म्हात्रे आणि कविता म्हात्रे यांचे काही बॅनर व होर्डिंग्ज झाकल्याचा आरोप भाजपावर केला. या प्रकारामुळे भाजपाचे कार्यकर्ते संतापले त्यांनी आक्षेप घेतला. बॅनर झाकल्याच्या घटनेनंतर दोन्ही पक्षांच्या कार्यकर्त्यांमध्ये शाब्दिक बाचाबाची सुरू झाली. भाजपा कार्यकर्त्यांनी शिंदेच्या कार्यकर्त्यांसमोर घोषणाबाजी सुरू केली. ज्यामुळे परिसरात तणाव निर्माण झाला.
हे देखील वाचा –
7 कोटींच्या 55 एकर जमिनीची 70 लाखांत विक्री!पालघरमध्ये जमीन घोटाळा! संस्था संचालक सहभागी
स्टिंग ऑपरेशन नीलेश राणेना महागात पडले; पोलीस ठाण्यात त्यांच्यावरच गुन्हा दाखल
