BJP Offered Me a Deal: Nilesh Rane!– सिंधुदुर्गमध्ये भाजपा आणि शिंदेसेना यांच्यातील वाद दिवसेंदिवस वाढत आहे. शिंदेसेनेचे आमदार निलेश राणे, भाजपा मंत्री नितेश राणे आणि भाजपा प्रदेशाध्यक्ष रविंद्र चव्हाण यांच्यात आरोप-प्रत्यारोपाच्या फैरी झडत आहेत.
या धुमश्चक्रीत आज माध्यमांशी बोलताना निलेश राणे यांनी आपल्याला भाजपाकडून वारंवार ऑफर देण्यात आली होती,पण आपण शिंदेंशी एकनिष्ठ राहाण्याचा निर्णय घेतल्याने भाजपाची ऑफर नाकारली,असा दावा केला.
विधानसभा निवडणुकीच्या वेळी मी मुख्यमंत्री फडणवीस यांच्याकडे तिकीट मागितले होते.पण एका घरात तीन तीन तिकिटे कशी देणार,असा सवाल करून त्यांनी मला तिकीट नाकारले.
एकनाथ शिंदे यांच्या शिवसेनेतून निवडणूक लढवून आमदार झाल्यानंतरही मला भाजपाकडून ऑफर येत होत्या. पण मी शिंदेंशी गद्दारी करणार नाही. शिंदेंचे उपकार मी जन्मभर विसरणार नाही. मला कसलीही लालसा नाही.
मी प्रामाणिकपणे काम करत आहे.ठाकरे गटातील पदाधिकाऱ्यांना आमच्या पक्षात सामावून घेत आहे.भाजपा नेत्यांना याचा त्रास होत आहे,असे निलेश राणे पुढे म्हणाले.
निलेश राणेंच्या या वक्तव्याबद्दल रविंद्र चव्हाण यांना माध्यमांच्या प्रतिनिधींनी छेडले असता, यावर नितेश राणे उत्तर देतील. एवढीच प्रतिक्रिया त्यानी दिली.
हे देखील वाचा –
डोंबिवलीत उद्घाटन सोहळ्यात भाजपा व शिंदेसेना आमनेसामने
7 कोटींच्या 55 एकर जमिनीची 70 लाखांत विक्री!पालघरमध्ये जमीन घोटाळा! संस्था संचालक सहभागी
स्टिंग ऑपरेशन नीलेश राणेना महागात पडले; पोलीस ठाण्यात त्यांच्यावरच गुन्हा दाखल
