Maruti e Vitara Details : मारुती सुझुकी (Maruti Suzuki) कंपनीने आपली पहिली इलेक्ट्रिक एसयूव्ही (SUV) ‘Maruti e Vitara’ चे भारतात अनावरण (Unveil) केले आहे. ही इलेक्ट्रिक कार लांब पल्ल्याची रेंज आणि प्रीमियम वैशिष्ट्यांसह बाजारात आणली गेली आहे.
ही नवीन एसयूव्ही लाँग रेंज आणि अत्याधुनिक वैशिष्ट्यांमुळे लवकरच ग्राहकांमध्ये लोकप्रिय होईल, अशी अपेक्षा आहे.
बॅटरी आणि रेंज
मारुती ई-विटारा दोन बॅटरी पर्यायांमध्ये उपलब्ध आहे, ज्यात 49 kWh आणि 61 kWh क्षमतेच्या दोन LFP (लिथियम-आयरन-फॉस्फेट) पॅक्सचा समावेश आहे.
- क्षमता आणि सेल्स: दोन्ही पॅक्समध्ये 120 लिथियम-आयन सेल्स आहेत. या बॅटरी -30°C ते 60°C पर्यंत कार्य करतात आणि त्यांची सुरक्षितता अनेक स्तरांवर तपासली गेली आहे.
- ड्रायव्हिंग रेंज: 49 kWh बॅटरीसह ही एसयूव्ही 344 किमी आणि 61 kWh पॅकसह 543 KM पर्यंतची रेंज देऊ शकते.
- चार्जिंग: डीसी (DC) फास्ट चार्जरने मारुती ई-विटारा सुमारे 80% पर्यंत चार्ज होण्यासाठी फक्त 45 मिनिटे घेते. एसी (AC) होम चार्जरने पूर्ण चार्ज होण्यासाठी 7 ते 8 तास लागतात.
डिझाईन आणि लूक
ई-विटाराची रचना तिच्या आयसीई (ICE) विटारा मॉडेलपासून प्रेरित आहे, परंतु इलेक्ट्रिक वाहनासाठी ती अनुकूल केली गेली आहे. ही कार Heartect-e प्लॅटफॉर्मवर तयार झाली आहे. यात सपाट पृष्ठभाग आणि हलके स्ट्रक्चर आहे.
बाहेरील रचनेत बंद ग्रिल, एलईडी प्रोजेक्टर हेडलाइट्स, Y आकाराचे एलईडी DRLs आणि 18 इंची एरोडायनामिक ॲलॉय व्हील्स मिळतात. याचा व्हीलबेस 2700 mm आणि टर्निंग रेडियस 5.2 मीटर आहे. आतील भाग डुअल-टोन थीमचा आहे.
फीचर्स आणि सुरक्षा
मारुती ई-विटारा अनेक प्रगत वैशिष्ट्यांनी सुसज्ज आहे:
- मनोरंजन आणि नियंत्रण: यात 10.25 इंच टचस्क्रीन इन्फोटेनमेंट, 10.1 इंच डिजिटल ड्रायव्हर डिस्प्ले, वायरलेस ॲन्ड्रॉइड ऑटो / ॲपल कारप्ले सपोर्ट, इन्फिनिटी साऊंड सिस्टीम, पॅनोरामिक ग्लास रूफ आणि 10 प्रकारे ॲडजस्ट करता येण्याजोगी ड्रायव्हर सीट यासारखे फीचर्स मिळतात.
- सुरक्षा: सुरक्षिततेसाठी एसयूव्हीमध्ये 7 एअरबॅग्ज आणि ADAS लेवल-2 अंतर्गत ॲडॉप्टिव्ह क्रूझ कंट्रोल, लेन कीप असिस्ट, 360 अंशाचा कॅमेरा, TPMS, ऑल-व्हील डिस्क ब्रेक्स आणि मल्टी-कॉलिजन ब्रेकिंग यांसारखे फीचर्स देण्यात आले आहेत. या गाडीला BNCAP कडून 5-स्टार सेफ्टी रेटिंग प्राप्त आहे.
किंमत किती असेल?
2025 मारुती ई-विटाराच्या किमतीची घोषणा लवकरच केली जाईल. अहवालानुसार, याची किंमत 16 लाख ते 22 लाख रुपये (एक्स-शोरूम) दरम्यान असण्याची शक्यता आहे. लवकरच याची बुकिंग सुरू होणार आहे. बाजारात ही गाडी टाटा हॅरियर आणि एमजी झेडएस ईव्ही (MG ZS EV) सारख्या वाहनांशी स्पर्धा करेल.
हे देखील वाचा – Samsung Galaxy Z TriFold : सॅमसंगचा धमाका! लाँच केला पहिला दोनदा फोल्ड होणारा स्मार्टफोन; पाहा खास फीचर्स
